Ganap nang tropical depression ang binabantayang low pressure area (LPA) at pinangalanan itong "Huaning," ayon sa Philippine Atmospheric, Geophysical and Astronomical Services Administration (PAGASA) nitong Lunes, Agosto 18.
Ang tropical depression Huaning ang ikatlong bagyo ngayong buwan ng Agosto, at ikawalong bagyo na pumasok sa bansa.
Ayon sa PAGASA, as of 2:00 AM, nang mag-develop sa tropical depression Huaning ang LPA sa east northeast ng Batanes.
As of 5:00 AM, namataan ang tropical depression sa 520 kilometers east of Northeast Itbayat, Batanes.
Ogie Diaz, pinalagan sinabi ni Greco Belgica na hayaan mga 'tunay na lalaki' sa gobyerno
Taglay nito ang lakas ng hangin ng 45 kilometers per hour (kph), pagbugsong 55 kph, at central pressure na 1008 hPa.
Gumagalaw ito pa-north northwestward sa bilis na 10 kph.
Wala itong direktang epekto sa bansa, ayon pa sa PAGASA.
Inaasahang lalabas ng Philippine Area of Responsibility (PAR) ang bagyo mamayang gabi o bukas ng madaling araw, Agosto 19.
