Nanawagan ng boykot para sa isang fast food chain ang abogado at dating executive secretary na si Vic Rodriguez nitong Biyernes, Agosto 15, dahil sa komedyanteng si Vice Ganda.
“Ang pinatutukuyan po natin dito sa i-boycott ay walang iba kung hindi ang nambastos kay Tatay Digong, si Vice Ganda,” panimula ni Rodriguez sa isang video na inupload sa TikTok account na “Sarsuwela sa Politika.”
Kaugnay ito sa naging jetski joke ng komedyante sa isang concert nito kamakailan na nag-trigger sa maraming Duterte supporters.
"Nothing beats a jet ski holiday, right now from Manila to the West Philippine Sea via jet ski. Get unlimited water bombing from Chinese vessels and a free trip to The Hague by the ICC. Promo applies to DDS only. Pinklawans and BBMs are prohibited. Huwag n'yo akong subukan, mga put*** ina n'yo!" ani Vice Ganda.
Notarized affidavit ni Ramil Madriaga, inihain na sa Ombudsman
KAUGNAY NA BALITA: Vice Ganda, binanatan ng Duterte supporters dahil sa paandar sa concert
Hinikayat ni Rodriguez na i-boycott muna ang ineendorsong fast food chain ni Vice Ganda.
“Hindi rin pinaligtas nung Vice Ganda ‘yong ating mga kaibigan sa Iglesia ni Cristo. Kung hindi pa ho kayo nanananghali at nag-iisip isip, wag ho muna tayo mag-Mcdo. McDon’t po muna tayo. Hangga’t si Vice Ganda ang endorser niyan wag muna tayong tumangkilik ng McDonald’s,” ani Rodriguez.
Samantala, naglabas naman ng pahayag ang Malacanañg sa press briefing nito noong Martes, Agosto 12, kung saan sinabi ni Presidential Communications Office Undersecretary and Palace press officer Claire Castro na huwag maging “balat-sibuyas” o maramdamin ang publiko
“Unang-una kasi, concert naman 'yon. Parang show naman 'yon. So, hindi kailangang maging balat-sibuyas ang sinuman," pahayag nito.
Sean Antonio/BALITA
