Narekober ang bangkay ng isang British meteorologist na nasawi sa isang aksidente sa Antarctica noong Hulyo 26, 1959.
Kinilala ang scientist bilang si Dennis “Tink” Bell, 25 taong gulang nang ito ay nasawi.
Ayon sa mga ulat, nadiskubre ang bangkay sa isang natutunaw na tipak ng yelo sa Admiralty Bay, sa King George Island.
Kinumpirma ng British Antarctic Survey (BAS) na namataan ang bangkay ng nasabing siyentipiko ng isang grupo mula sa Henryk Arctowski Polish Antarctic Station noong Enero 19, 2025.
12-anyos na lalaki, patay sa kagat ng pating!
Dinala ang mga buto ni Bell sa Falkland Islands kasama si BAS Royal Research Ship Sir David Attenborough upang ipasa ito sa Malcolm Simmons — na siyang magdadala nito sa London.
Matapos ang isinagawang DNA testing, nag-match naman ang DNA ni Dennis sa mga kapatid niyang sina David at Valerie.
Napag-alamang may tatlong kasama si Bell noong siya ay nawala — ang meteorologist na Sina Ken Gibson, ang surveyor na si Jeff Stokes, at ang geologist na si Colin Barton.
Nasawi si Bell matapos magpatuloy sa ekspedisyon sa gitna ng labis na kapaguran kahit wala na itong gamit na skis.
Vincent Gutierrez/BALITA
