GOCC subsidy mula sa pamahalaan, bumulusok ng halos 27%-Balita

GOCC subsidy mula sa pamahalaan, bumulusok ng halos 27%

Natapyasan ng 26.68% ang suportang natanggap ng mga Government-Owned and -Controlled Corporations (GOCCs) mula sa pambansang pamahalaan noong Hunyo 2025, batay sa ulat ng Bureau of Treasury.

Sa ulat ng Radyo Pilipinas, nagpakawala ang BTr ng humigit-kumulang ₱7.45 bilyong budget para sa mga GOCC noong Hunyo 2025, mas mababa ng ₱2.71 bilyon kumpara noong Hunyo 2024.

Ang mga GOCC ay mga institusyong tumatanggap ng subsidiya mula sa gobyerno ng bansa upang buuin ang kinakailangang budget nito upang magbigay ng serbisyo sa mga Pilipino.

Natanggap ng National Food Authority (NFA) ang pinakamalaking pondo sa lahat ng GOCCs sa bansa noong Hunyo. Nakapagtala ang kagawaran ng halos ₱3.43 bilyong budget o 46.07 porsyento ng kabuuang GOCC subsidy.

Sinundan naman ito ng National Irrigation Administration (NIA) na nakakuha ng ₱2.39 bilyon, at ng Philippine Fisheries Development Authority na mayroon namang ₱268 milyong budget.

Ilan din sa mga institusyong nakatanggap ng GOCCs subsidy ay ang Philippine Heart Center na may ₱184 milyong pondo, Philippine Coconut Authority na may ₱165 milyon, ₱124 milyon para sa National Kidney and Transplant Institute, ₱114 milyon sa Philippine Children’s Medical Center, at sa National Power Corporation na nakakuha ng ₱106 milyong subsidiya.

Masasabing mapalad ang mga kagawaran at institusyong nakalikom ng budget, sapagkat may ilan ding GOCCs na walang natanggap na monetary fund.

Mga GOCC na walang nakuhang pondo:

- Land Bank of the Philippines

- Small Business Corp.

- National Electrification Administration

- National Housing Authority

- Bases Conversion Development Authority

- IBC-13

- Philippine Crop Insurance Corp.

- Power Sector Assets and Liabilities Management Corp.

- Tourism Infrastructure

- Enterprise Zone Authority, at Tourism Promotions Board.

Kinumpirma naman ng Department of Finance na matagumpay nang nakalikom ang kagawaran ng ₱105 bilyon mula sa GOCC dividends hanggang noong Hulyo 2025.

Vincent Gutierrez/BALITA

Asong naputulan ng dila sa Valenzuela City, resulta raw ng ‘dog fight’

Lumalabas na away-aso o 'dog fight' ang umano'y lumulutang na dahilan kung bakit naputol ang dila ng asong si 'Kobe' mula sa Valenzuela City kamakailan, batay sa imbestigasyon ng mga awtoridad.Kaugnay ito sa panawagan ng furparent ni Kobe na si Rodlee Rivera - Zulueta para sa hustisya, matapos niyang ihayag sa kaniyang social media post ang kalunos-lunos na sinapit ng...

Intersection sa NYC, ipinangalan kay Dr. Jose Rizal bilang pagkilala sa Filipino community

Ipinangalan kay Dr. Jose Rizal ang intersection sa New York City, USA, bilang pagkilala sa malaking populasyon ng Filipino community sa distrito. Ang nasabing co-naming sa Woodside Avenue at 58th Street sa New York ay inisyatiba ni Steven Raga, ang kauna-unahang Filipino-American na naupo sa New York State Assembly at New York City Council Member Julie Won. “It’s an honor to co-name an...

'Hoy DTI, gising kayo!' Sen. Imee, naghain ng makatotohanang Noche Buena

Naglabas ng video post si Senadora Imee Marcos na nagpapakita ng aniya’y mas makatotohanang gastos sa Noche Buena ng isang karaniwang pamilyang Pilipino, na tila sumasalungat sa pahayag ng Department of Trade and Industry (DTI) na maaaring magkasya sa ₱500 ang handa para sa bisperas ng Pasko.Kaugnay na Balita: ₱500, sapat na pang-Noche Buena! –DTISa naturang video, ipinakita ni Sen. Imee...

GOCC subsidy mula sa pamahalaan, bumulusok ng halos 27%

GOCC subsidy mula sa pamahalaan, bumulusok ng halos 27%

Inirerekomendang balita

Asong naputulan ng dila sa Valenzuela City, resulta raw ng ‘dog fight’

Intersection sa NYC, ipinangalan kay Dr. Jose Rizal bilang pagkilala sa Filipino community

'Hoy DTI, gising kayo!' Sen. Imee, naghain ng makatotohanang Noche Buena

Features

Opinyon