Ibinahagi ni South Korean star Hyun Bin ang maipapayo niya sa batang bersyon ng kaniyang sarili na nagsisimula pa lang ang journey sa showbiz industry.
Sa isinagawang exclusive press conference sa Solaire Resort Entertainment City sa Parañaque noong Biyernes, Agosto 8, sinabi niyang papayuhan niya ang batang siya na sulitin ang bawat sandali.
“You can enjoy that moment. That’s one message I want to tell myself back in the past. Now I’m looking back at whatever is happening, I’ve only been going straight, not minding whatever on my side, but really focusing on the work,” ani Hyun Bin.
Dagdag pa niya, “I really had no time to look around at whatever scenery I could enjoy. So if I were to tell myself in the past, I would tell him to enjoy the moment and the crowd, the surroundings, right on your goal.”
Kim Chiu, Paulo Avelino nagsasama na sa iisang bubong?
Matatandaang nakilala si Hyun Bin sa mga KDrama tulad ng “Secret Garden,” “Memories of the Alhambra,” at “Crash Landing on You.”
Pero bago pa man siya sumabak sa pag-arte sa mga pelikula at serye, nag-audition muna si Hyun Bin bilang lead singer ng rock band na “Buzz.”
Bagama’t hindi naging opisyal na miyembro ng banda, naipamalas pa rin naman niya ang talento sa pagkanta nang awitin niya ang soundtrack ng “Secret Garden” na pinamagatang “That Man.”
Samantala, sa isang bahagi ng press conference, nangako naman si Hyun Bin na mas pagbubutihin pa niya ang pag-arte sa mga proyekto niyang gagawin bilang sukli sa suporta at pagmamahal ng Filipino fans.
Aniya, “[W]ith this love, I want to give it back to you with more projects and, of course, a better actor. Thank you so, so much for all your love and support.”
KAUGNAY NA BALITA: Hyun Bin, gagawa ng mas maraming proyekto para sa Pinoy fans
