Muling nagmungkahi si Cavite 4th district Representative Kiko “Congressmeow” Barzaga tungkol sa pag-iimplementa ng death penalty.

Sa kaniyang Facebook post noong Sabado, Agosto 2, 2025, iginiit ni Barzaga na wala raw lugar sa lipunan ang karahasan sa mga hayop at dapat daw tapatan ng parusang kamatayan.

“Animal cruelty is an injustice that has no place in our society, I propose a legislation that provides death penalty by firing squad to animal abusers,” ani Kiko.

Bukod sa isyu ng animal cruelty, matatandaang minsan na ring nabanggit ni Barzaga ang pagpapatupad ng death penalty para sa mga maliliit na paglabag sa batas ngunit pinapaulit-ulit umanong gawin, katulad na lamang ng pagtatapon ng basura.

Politics

‘Isa kang boba!’ Larry Gadon, pinagbibitiw si VP Sara

“I would argue that repeated littering on a severe degree is worthy of the death penalty, since littering is an intentional act that damages the environment and harms indigent communities,” saad niya.

KAUGNAY NA BALITA: 'Congressmeow' ng Cavite, iminungkahi 'death penalty' para sa mga nagkakalat ng basura

Samantala, sa ilalim ng Republic Act No. 9346, mariing nitong ipinagbabawal ang pagpapatupad ng death penalty sa bansa.

“The Imposition of the penalty of death is hereby prohibited,” ang Section 1 ng nasabing batas.