May nilinaw si Pambansang Kamao Manny Pacquiao kaugnay ng kaniyang nalalapit na pagbabalik sa boxing ring kontra kay Mario Barrios para sa WBC welterweight world championship.
Sa panayam ng media kay Manny kamakailan, iginiit nilinaw niyang hindi siya magbabalik-boxing para lamang daw sa pera.
“I’m not fighting for money,” ani Pacman.
Dagdag pa niya, nagbabalik boxing ring daw siya upang mapanatili ang kaniyang reputasyon at upang umukit muli ng kasaysayan.
Bukod sa bronze medal: Elijah Cole, kinakiligan sa face card pati 'pangalan' niya
“I’m here to preserve my reputation and to write another page in history,” saad ni Pacman.
Matatandaang noong 2021 pa huling sumalang sa boxing ring si Pacquiao kung saan bigo siyang maiuwi ang WBA welterweight champion matapos matalo kay Yordenis Ugas sa loob ng 12 rounds via unanimous decision.
Matapos ang kaniyang pagreretiro noong 2021, susubukan na muling angkinin ni Pacquiao ang WBC welterweight title, bilang oldest welterweight champion sa edad na 46.
Hirit pa ni Pacman, “This victory is very important inspiration for young kids. Even though I’m 46, if you are still dreaming in your life, you can make it… always bring surprises… my time of boxing is not yet done.”
BASAHIN: Netizens, naninimbangan na sa magiging resulta ng laban ni Pacman
