Binigyang-diin ni reelected Leyte 1st District Rep. at House Speaker Ferdinand Martin G. Romualdez na wala raw dapat Pilipinong nagugutom sa isang bansang puno ng pangako at potensyal.
Sa pahayag ni Romualdez nitong Martes, Hulyo 15, sinabi niyang ibibigay umano ng Kongreso ang buong suporta para sa Walang Gutom Program ng pangulo at Department of Social Welfare and Development sa ilalim ng 2026 national budget.
“Hindi ito basta proyekto ng ating Pangulong Bongbong Marcos. His vision of a hunger-free Philippines under the Walang Gutom program is a promise of dignity, a pledge of compassion, and a commitment to bring real change to every Filipino family struggling to put food on the table,” saad ni Romualdez.
Dagdag pa niya, “Makikita mo ang puso ng ating Pangulo sa programang ito. Ang laban sa gutom ay hindi lamang polisiya kundi personal niyang misyon. Walang pamilyang Pilipino ang dapat maiwan sa laylayan ng lipunan.”
'Nandito si Mama, naghihintay sa 'yo!' Nanay ng nawawalang bride-to-be, nanawagang maibalik nang maayos ang anak
Matatandaang kamakailan lang ay inihayag din ni Romualdez ang suporta niya sa inisyatibo ni Marcos para sa kapakanan at kabuhayan ng mga mangingisda sa Pilipinas.
MAKI-BALITA: Romualdez, suportado pagpapaunlad sa kabuhayan ng mga mangingisda sa Pilipinas
