Usap-usapan ang naging matagumpay na "Forever Fyang" album launch concert ni Pinoy Big Brother Gen 11 Big Winner Fyang Smith noong Linggo, Hunyo 22, sa New Frontier Theater sa Cubao, Quezon City.
Siyempre pa, sumakses ito dahil sa ipinakitang suporta ng kaniyang fans at suppporters na hindi maitatangging marami talaga, kagaya rin ng marami rin siyang bashers.
Isa nga sa mga nagba-viral sa social media ay video clips ng paghataw ni Fyang sa ilang hit songs ni Popstar Royalty Sarah Geronimo, kagaya na lamang ng "Kilometro."
Napansin ng faney ni Sarah na may ilang mga inihataw si Fyang na ibang-iba raw sa steps na pinasikat ni Sarah sa kaniyang song.
Kaya naman, marami sa mga netizen ang nagtaas ng kilay sa mga nagsasabing si Fyang na raw ang pagpapasahan ni Sarah G pagdating sa pagiging song and dance royalty; na kayang mag-perform habang kumakanta at sumasayaw.
White House, ginamit kanta ni Katy Perry sa pag-atake sa Iran; singer, umalma!
Pero dedma naman dito ang fans at supporters ni Fyang dahil ang mahalaga sa kanila, nai-launch na raw niya ang kaniyang album at tuloy-tuloy na raw ang pag-alagwa sa kasikatan.
