FEELING MO NA-NCAP KA?
Isang website ang inilunsad ng Metro Manila Development Authority (MMDA) kung saan pupwedeng tingnan ng mga motorista kung mayroon silang violation sa ilalim ng No-Contact Apprehension Policy (NCAP).
Sa website na mayhulika.mmda.gov.ph, ilalagay lang plate number o conduction sticket at MV file number sa search bar upang makita ang violation.
Kung may nakita namang violation, maaaring mag-request ng kopya sa Notice of Violation sa pamamagitan ng email.
Teacher era? PBBM, 'nagturo' sa Grade 1 pupils
Matpos nito ay maaari nang magbayad sa pamamagitan ng physical payment o pagpunta sa MMDA head office sa Robinson's Galleria, o 'di kaya ay digital payment naman sa Maya, Bayad App, iCash, o Landbank LinkBizPortal.
At kung sakali man na hindi sang-ayon ang motorista sa violation, maaari namang maghain ng contest sa Traffic Adjudication Division sa loob ng 10 working days mula sa matanggap ang Notice of Violation.
KAUGNAY NA BALITA: ALAMIN: Paano nga ba ang proseso ng pag-apela kapag nahuli ng MMDA?
