DOH, nagpaalala kontra dengue ngayong tag-ulan

By Ralph Mendoza

June 06, 2025

In BALITA National

Nagbigay ng paalala ang Department of Health (DOH) sa publiko kung paano makakaiwas sa dengue ngayong tag-ulan.

Matatandaang opisyal nang idineklara ng Philippine Atmospheric, Geophysical and Astronomical Services Administration (PAGASA) ang pagsisimula ng tag-ulan noong Lunes, Hunyo 2.

Samakatuwid, malaki ang posibilidad na mas dumami ang mga lamok na may dalang dengue sa iba’t ibang lugar sa Pilipinas.

Kaya sa latest Facebook post ng DOH nitong Biyernes, Hunyo 6, inilatag nila ang “4Ts tuwing Alas Kwatro.”

“Ipagpatuloy natin ang ating nasimulan na 4Ts tuwing Alas Kwatro : Taob , Taktak , Tuyo , Takip — araw-araw gawin para iwas dengue at ligtas ang pamilya ‍‍‍!” saad ng DOH.

Dagdag pa nila, “Tandaan: kung walang lamok, walang dengue.”

Ang dengue ay isang sakit na mula sa mikrobyo na naipapasa sa tao sa pamamagitan ng kagat ng Aedes na lamok.

Ilan sa posibleng sintomas nito ay ang mga sumusunod: mataas na lagnat, matinding pananakit ng ulo, pananakit ng katawan at kasu-kasuan.

PBBM, pinahahanap student athletes na nag-wacky ng mukha sa speech niya

Natatawang nagkomento si Pangulong Ferdinand 'Bongbong' Marcos, Jr. sa isang video clip kung saan makikita ang ilang babaeng student athletes na nag-wacky ng mukha habang nagtatalumpati siya para sa opening program ng 'Palarong Pambansa' kamakailan.Pero sa halip na magalit ay tila naaliw pa ang Pangulo sa kaniya.'No'ng opening ceremony ng Palarong Pambansa, eh may mga...

'Walang atrasan!' 2 senador, sinigurong tuloy ang impeachment trial sa Hunyo 11

Iginiit ng dalawang senador na matutuloy ang pagsisimula ng pag-usad ng impeachment trial ni Vice President Sara Duterte sa darating na Hunyo 11, 2025.Ayon kay Sen. Sherwin Gatchalian, wala raw ibang pagpipilian ang Senado kung hindi ituloy ang nakabinbing impeachment.“Wala namang choice ang Senado. Hindi ito desisyon ng mga senador. Ito ay constitutional responsibility ng mga senador,” ani...

15-anyos, patay sa pagsabog ng isang bagay na napagkamalang gold bar!

Patay ang 15-anyos na lalaki matapos sumabog ang isang umanong bomba na napagkamalang gold bar sa Bukidnon.Ayon sa mga ulat, natagpuan ng biktima ang isang bagay na inakala niyang gold bar. Kasama ang dalawa pang kaibigan na 18-anyos at 33 taong gulang, may ginupit daw sila bahagi ng natagpuang bagay at saka ito sumabog. Nakaligtas naman ang dalawang kaibigan ng biktima habang dead on arrival na...