Nakiisa na rin ang De La Salle University (DLSU) sa panawagang ituloy na ang nakabinbing impeachment trial ni Vice President Sara Duterte sa Senado.
Ito ay matapos sumingaw ang usap-usapang ibabasura umano ang paglilitis sakaling hindi ito matuloy hanggang Hunyo 30.
KAUGNAY NA BALITA: Impeachment kay VP Sara, ‘maikokonsidera nang ibinasura’ ‘pag ‘di umusad hanggang Hunyo 30—Sen. Tolentino
Sa pahayag na inilabas ng DLSU nitong Biyernes, Hunyo 6, sinabi nila na hindi lang umano isang political exercise ang impeachment trial kundi isa ring sagradong mekanismo na magdadambana sa Konstitusyon upang tiyaking makakasagot ang mga halal na opisyal sa tanong ng taumbayan.
Detention order vs. Grijaldo, binawi ng Quad-comm!
“Any attempt to suppress this process undermines the pursuit of truth, and the very foundation of democracy, the rule of law, and the principle that no one is above the law,” saad ng pamantasan.
Dagdag pa nila, “We remind our Senators-both of the 19th and the incoming 20th Congress of their constitutional duty to act as impartial stewards of justice, especially in matters involving the accountability of public officials.”
Kaya naman nanawagan ang DLSU na ituloy ang proseso ng paglilitis.
Anila, “To cut short this process is not only a disservice to justice but also a betrayal of public trust.”
“As Lasallians, we are taught to ‘Enter to Learn and Leave to Serve.’ Today, we serve not only by teaching minds and touching hearts, but by speaking truth to power. We stand with all citizens and institutions who seek truth, transparency, and transformative governance,” dugtong pa ng DLSU.
Matatandaang nauna nang kinalampag ng University of the Philippine (UP) College of Law ang Senado upang makausad na ang impeachment trial laban sa bise-presidente.
MAKI-BALITA: UP College of Law, kinalampag na Senado hinggil sa impeachment vs. VP Sara
