Panibagong record-high ang naitala dahil mas lumobo pa ang utang Pilipinas sa ₱16.75 trillion sa pagtatapos ng Abril 2025, ayon sa Bureau of Treasury.
Lumobo ito ng ₱68.69 billion o 0.41% mula sa ₱16.68 trillion noong Marso 2025.
BASAHIN: Utang ng Pilipinas lumobo sa ₱16.68 trillion sa pagtatapos ng March 2025
Bahagi ng utang ng Pilipinas ang domestic debt na pumalo sa ₱11.59 trillion, kung saan tumaas ito ng 1.85% o ₱211.02 billion.
Sa kabilang banda, bumaba ang external debt ng gobyerno sa ₱5.16 trillion. Bumaba to ng 2.68% o ₱142.33 billion mula sa pagtatapos ng Marso.
PNP, susunod sa kautusan ng DOJ na ipatupad arrest warrant ng ICC vs Sen. Bato
Habang ang "guaranteed obligations" naman ng gobyerno ay bumaba rin ng 0.68% o ₱2.32 billion, kaya ito ay nasa ₱337.54 billion nitong Abril 2025.
Gayunman, sinigurado ng BTr na disiplinado ang pag-utang ng gobyerno na sumusuporta sa anila'y "productive investments."
"The government continues to follow a disciplined debt strategy, ensuring that borrowings support productive investments while keeping fiscal sustainability," anang treasury.
