Jose Ramon Aliling, nanumpa na bilang kalihim ng DHSUD

By Richard De Leon

May 29, 2025

In BALITA National

Nanumpa na si Engr. Jose Ramon Aliling bilang bagong Kalihim ng Department of Human Settlements and Urban Development (DHSUD), sa pangunguna ni Pangulong Ferdinand "Bongbong" Marcos, Jr. ngayong Huwebes, Mayo 29, sa Malacañang.

Pinalitan ni Aliling ang dating DHSUD Secretary na si Jose Rizalino Acuzar, na naitalaga naman bilang Presidential Adviser for Pasig River Development.

Batay sa isinagawang komprehensibong assessment sa naging performance, si Aliling ang magpapatuloy sa mga proyekto ng pamahalaan patungkol sa settlements at urban development. Isa pa, siya rin ay hindi na bago sa kagawaran dahil naging undersecretary siya nito.

Sa isinagawang ceremonial turnover noong Lunes, Mayo 26, sinabi ni Aliling na tututukan niya ang flagship ng pamahalaan na Pambansang Pabahay para sa Pilipino Housing (4PH) Program.

"4PH will now include horizontal developments. We will prioritize the preparation of the 4PH guidelines for horizontal developments. In doing so, we can expect 4PH numbers to improve significantly,” aniya.

Sinabi naman ni Aliling na "zero tolerance" siya pagdating sa korupsyon.

Samantala, nag-oath taking din ang bagong Solicitor General ng dekana ng University of the Philippines College of Law at de-kalibreng abogadong si Darlene Berberabe bilang bagong Solicitor General, kapalit ni Menardo Guevarra.

MAKI-BALITA: Dekana ng UP College of Law, bagong SolGen

Matatandaang kamakailan lamang ay umapela si PBBM ng "courtesy resignation" sa mga miyembro ng kaniyang Gabinete para sa kaniyang "recalibration" para sa responsive at effective governance.

PAGASA, idineklara pagsisimula ng Habagat season

Opisyal nang idineklara ng Philippine Atmospheric, Geophysical and Astronomical Services Administration (PAGASA) ang pagsisimula ng habagat season nitong Biyernes, Mayo 30, 2025.Ayon sa PAGASA, lumalabas daw sa kanilang pinakabagong weather analysis ang patuloy na pagbaba ng easterlies, dahilan upang magsimulang mabuo ang Southwest Monsoon (Habagat).“With the weakening of the Easterlies, these...

Legarda, unawa pamboboykot sa 2025 FBF: 'But walking away is not the only form of resistance'

Nagbigay ng pahayag si Senator Loren Legarda matapos ang diyalogo sa pagitan ng mga publisher, manunulat, at iba pang creatives na nananawagang iboykot ang 2025 Frankfurt Book Fair (FBF) bilang pakikiisa sa mga Palestinong nakakaranas ng genocide sa Israel.Ang naturang book fair kasi ay may direktang ugnayan sa Israel at sa gobyerno ng Germany na umano’y sumusuporta sa pamiminsala nito sa...

Heidi Mendoza sa lumutang na ka-apelyido ng ilang senador sa CF ng OVP: 'Insulto ito!'

Nagbigay ng reaksiyon ang dating komisyuner ng Commission on Audit (COA) na si Heidi Mendoza matapos lumutang ang apelyido ng ilang senador sa confidential funds ng Office of the Vice President (OVP)Sa isang Facebook post ni Mendoza nitong Biyernes, Mayo 30, sinabi niyang isa umanong insulto sa sambayanang Pilipino ang walang pag-iingat na paglustay sa pondo ng bayan.“Hindi ito nakakatawa,”...