285 solon suportadong manatili si Romualdez sa pagka-House Speaker

By Kate Garcia

May 26, 2025

In BALITA National

Buo pa rin daw ang suporta ng House of Representatives para manatili sa puwesto si House Speaker Martin Romualdez sa kaniyang posisyon ayon sa kumpirmasyon ni Deputy Speaker David Suarez.

Sa kaniyang pahayag noong Linggo, Mayo 25, 2025, iginiit niyang nasa 285 na raw na mga kongresista ang nagpahayag ng kani-kanilang pagsuporta para kay Romualdez.

"As of today, 285 House members have expressed support for Speaker Romualde, with 278 lawmakers having signed formal declarations, including four of six members of the LP [Liberal Party] who are now part of the larger movement for legislative continuity and national stability," ani Suarez.

Ipinagmalaki rin ni Suarez na nadomina na raw ng supermajority bloc ang Kamara na binubuo ng Lakas Christian Muslim Democrats (Lakas-CMD), Nacionalista Party, National Union Party, Nationalist People's Coalition, Partido Federal ng Pilipinas, Party-list Coalition Foundation Inc., at Liberal Party.

Samantala, matatandaang ibinahagi na rin ni Vice President Sara Duterte na kinukumbinse niya ang kaniyang kapatid na si Davao 1st district Rep. Paolo Duterte bilang maging House Speaker. Ayon pa kay VP Sara, wala pa raw kasing lumalapit sa kaniya mula sa Senado at Kamara upang magpa-endorso bilang Senate President at House Speaker.

“Sinabihan ko si Congressman Pulong. Sabi ko sa kaniya, ‘Baka gusto mo lumaban ng Speaker?’ Hindi pa siya sumagot. Inisip din n’ya siguro yung chances niya na manalo,” anang Pangalawang Pangulo.

Dagdag pa niya, “Sinabi ko sa kaniya, ‘Kung hindi ka manalo ng Speaker, then kunin mo yung minority’… Wala akong candidate for Speaker or for Senate President. Wala din lumapit sa akin for Speaker or for Senate President.”

KAUGNAY NA BALITA: Pulong, balak itapat ni VP Sara kay Romualdez sa House Speakership?

Tatlong GenEd subjects, tatapyasin sa college curriculum?

Pinag-iisipan umanong tanggalin ang tatlong general education subjects na Art Appreciation, Contemporary World, at Ethics sa college curriculum dahil nasa curriculum na rin daw ito ng high school, batay sa pahayag ng isang opisyal mula sa Department of Education (DepEd) nitong Miyerkules, Mayo 28.Ayon kay DepEd Assistant Secretary Janir Datukan, sa isinagawang pagdinig ng House Committee on Basic...

Pilipinas ‘di papayag na ipatapon sa Libya mga Pinoy na ilegal na nasa US

Kinumpirma ni Ambassador Jose Manuel Romualdez na nakiusap na raw sila gobyerno ng Estados Unidos hinggil sa nakaambang pagpapa-deport nito sa mga ilegal immigrants patungong Libya.Sa pahayag ni Romualdez noong Martes, Mayo 27, 2025, nanindigan siyang hindi raw hahayaan ng gobyerno ng Pilipinas na tuluyang maipatapon sa Libya ang mga Pinoy na nananatili pa ring ilegal na naninirahan at...

BSP Governor, nangungunang opisyal na may malaking suweldo sa gobyerno

Nangunguna si Bangko Sentral ng Pilipinas (BSP) Governor Eli Remolona sa listahan ng mga opisyal ng gobyerno na nakakatanggap ng malaking sahod noong 2024.Ayon sa inilabas na 2024 Report on Salaries and Allowances ng Commission on Audit, pumapalo ng ₱47,968,744.27 gross of tax ang sahod ni Remolona.Ang siyam na sumunod sa kaniya sa listahan ay kapuwa rin mula sa BSP. Naglalaro sa pagitan ng...