PNP, kakalampagin mga bagong halal na politiko para sa kampanya kontra droga

By Kate Garcia

May 25, 2025

In BALITA

Inihayag ng Philippine National Police (PNP) na makikipagtulungan daw sila sa mga bagong halal na politiko upang ipagpatuloy ang kanilang kampanya kontra ilegal na droga.

“Kakatapos lang ng national and local elections. May mga bagong halal tayo na mga mayor, mga councilor. Ika-capacitate natin sila para maintindihan nila na itong laban natin sa droga ay hindi lamang dapat tinitignan sa law enforcement perspective. Kailangan pagtulungan ito ng lahat ng mga ahensiya ng gobyerno, lalong lalo na ng ating komunidad” ani PNP spokesperson Police Brigadier General Jean Fajardo sa kaniyang apanayam sa Super Radyo dzBB nitong Linggo, Mayo 25,2025.

Binanggit din ni Fajardo ang iba pang patakarang binabalak ng PNP sa bawat komunidad.

“Isa pa sa gusto rin nating isulong ang pagpapasa ng mga barangay ordinances. Siguro sa iba, maliit na bagay ito. Gusto natin, pati sa barangay level pa lang ay nakakapagpasa sila ng mga anti-illegal drugs initiatives and programs, pati na yung simple lang, yung mga curfew hours,” ani Fajardo.

Kaugnay nito, ipinagmalaki din ng PNP na tinatayang nasa ₱43 bilyon na na raw ang kabuuang halaga ng iligal na droga ang kanilang nasabat sa unang tatlong taon ni PBBM—mas mataas umano kumpara sa kaparehang panahon ni dating Pangulong Rodrigo Duterte na nasa ₱14.3 bilyon lamang.

Re-elected na si Lito Lapid, nakapanumpa na bilang senador sa utol niya

Pormal at opisyal nang nanumpa sa pagkasenador ang re-elected na si Sen. Lito Lapid sa pamamagitan ng isang simpleng seremonya sa Porac, Pampanga, Sabado, Mayo 24.Mababasa sa opisyal na Facebook page ng senador, nanumpa si Lapid sa kapatid niyang si Kapitan Arturo M. Lapid, Punong Barangay ng Poblacion, Porac, Pampanga.Ito na ang ikaapat na termino ni Sen. Lapid sa senado simula noong 2004.Ayon sa...

Romualdez, umapela sa pagsugpo ng AI-powered misinformation, cyber threats

Nanawagan ng global unity si House Speaker Martin Romualdez para masawata o mapigilan na ang Artificial Intelligence (AI)-powered misinformation at cyber threats na naglipana ngayon sa social media at internet world.Bahagi ito ng talumpati ni Romualdez sa naganap na 29th Parliamentary Intelligence-Security Forum (PI-SF) sa Madrid, Espanya kung saan hinimok niya ang mga bansa na sugpuin ang data...

ALAMIN: Mga lugar na apektado ng pagbabalik ng 'No Contact Apprehension'

Kinumpirma ng Metropolitan Manila Development Authority (MMDA) ang muling pagbabalik ng implementasyon ng no contact apprehension policy (NCAP) sa darating na Lunes, Mayo 26, 2025.Ang NCAP ay isang traffic management program na ipinapatupad ng lokal na pamahalaan katuwang ang MMDA at Land Transportation Office (LTO). Sa pamamagitan ng mga nakakabit na CCTV cameras sa mga piling lansangan,...