Home

BALITA

Pangalang 'Chel Diokno,’ 'Marian Rivera' sa confidential funds ni VP Sara, pinaiimbestigahan!

May 25, 2025

Photo courtesy: Chel Diokno/FB, MB file photo

Pangalang 'Chel Diokno,’ 'Marian Rivera' sa confidential funds ni VP Sara, pinaiimbestigahan!

By Kate Garcia

May 25, 2025

In BALITA

Kinumpirma ni Lanao del Sur Rep. Zia Alonto Adiong na iniimbestigahan na ang paglitaw ng mga pangalang Chel Diokno at Marian Rivera sa imbestigasyon ng confidential funds ni Vice President Sara Duterte.

Ayon kay Adiong, nagsasagawa na raw ng verification ang Philippine Statistics Authority (PSA) at National Bureau of Investigation (NBI) upang matukoy kung may kinalaman daw ang mga pangalang nabanggit kina Akbayan Rep. Atty. Chel Diokno at Kapuso star Marian Rivera.

“Apparently two individuals coincidentally have the same names with a celebrity and a renowned lawyer who is now to become part of the 20th Congress,” ani Adiong.

Dagdag pa niya, “Which to my mind, medyo nakakatawa dahil mukhang ang pangalan naman ‘Chel’ ay hindi so common.”

Matatandaang nauna nang inalmahan ni Diokno ang pagkakadawit ng kanilang pangalan ng aktres kung saan diretsahan niyang iginiit na kawalanghiyaan na raw ito.

“Lahat na ba nasa listahan ng confidential funds? Pati ba naman pangalan namin ni Ma’am Marian dinamay nila! Grabe ang kawalang-hiyaan!” anang Akbayan Representative.

Laman ng naturang FB post ang isang link ng isang lokal na pahayagang nagsasaad na kapuwa nakatanggap umano ng tinatayang ₱100,000 si Marian at Chel mula sa umano'y nakalkal na resibo sa imbestigasyon ng confidential funds ni VP Sara.

KAUGNAY NA BALITA: Atty. Chel Diokno, benepisyaryo daw ng confidential funds ni VP Sara?

Isa si Diokno at Congresswoman-elect Leila de Lima sa mga uupong prosecutor para sa nakabinbing impeachment trial ng Bise Presidente kung saan isa sa mga inaasahang mauungkat ay ang umano'y maanomalya niyang paggamit ng confidential funds.

KAUGNAY NA BALITA: Bukod kay De Lima: Diokno, uupong prosecutor sa impeachment ni VP Sara

Re-elected na si Lito Lapid, nakapanumpa na bilang senador sa utol niya

Pormal at opisyal nang nanumpa sa pagkasenador ang re-elected na si Sen. Lito Lapid sa pamamagitan ng isang simpleng seremonya sa Porac, Pampanga, Sabado, Mayo 24.Mababasa sa opisyal na Facebook page ng senador, nanumpa si Lapid sa kapatid niyang si Kapitan Arturo M. Lapid, Punong Barangay ng Poblacion, Porac, Pampanga.Ito na ang ikaapat na termino ni Sen. Lapid sa senado simula noong 2004.Ayon sa...

Romualdez, umapela sa pagsugpo ng AI-powered misinformation, cyber threats

Nanawagan ng global unity si House Speaker Martin Romualdez para masawata o mapigilan na ang Artificial Intelligence (AI)-powered misinformation at cyber threats na naglipana ngayon sa social media at internet world.Bahagi ito ng talumpati ni Romualdez sa naganap na 29th Parliamentary Intelligence-Security Forum (PI-SF) sa Madrid, Espanya kung saan hinimok niya ang mga bansa na sugpuin ang data...

ALAMIN: Mga lugar na apektado ng pagbabalik ng 'No Contact Apprehension'

Kinumpirma ng Metropolitan Manila Development Authority (MMDA) ang muling pagbabalik ng implementasyon ng no contact apprehension policy (NCAP) sa darating na Lunes, Mayo 26, 2025.Ang NCAP ay isang traffic management program na ipinapatupad ng lokal na pamahalaan katuwang ang MMDA at Land Transportation Office (LTO). Sa pamamagitan ng mga nakakabit na CCTV cameras sa mga piling lansangan,...