MTRCB Chairperson Lala Sotto, nagbitiw na rin sa puwesto

By Kate Garcia

May 24, 2025

In BALITA National

Nagsumite na rin ng kaniyang courtesy resignation si Movie and Television Review and Classification Board (MTRCB) Chairman Lala Sotto, kasunod ng naging direktiba ni Pangulong Ferdinand "Bongbong" Marcos, Jr. sa lahat ng miyembro ng kaniyang gabinete.

Isinumite ni Sotto ang kaniyang resignation noong Biyernes, Mayo 23, 2025, kung saan nagpahayag din siya ng pasasalamat sa tiwalang ibinigay daw sa kaniya na mapamunuan ang naturang ahensya.

"Following your call for courtesy resignation, I respectfully tender my resignation as Chairperson and CEO of the Movie and Television Review and Classification Board (MTRCB), effective upon your acceptance or as you may deem appropriate," ani Sotto.

Dagdag pa niya, "I remain grateful for the opportunity to contribute to nation-building through this agency and for the trust you have placed in me during my tenure."

Matatandaang noong Huwebes, Mayo 22, nang ipag-utos ni PBBM na magsumite ng resignation ang lahat ng kaniyang gabinete upang magkaroon ng reorgnasisayon sa kaniyang administrasyon na magbibigay daw ng mas mabibilis na progreso sa taumbayan.

KAUGNAY NA BALITA: Pakikinggan ang mga tao? PBBM, pinagre-resign mga miyembro ng gabinete

Kaugnay nito, noong Biyernes, Mayo 23 nang ihayag ni Executive Secretary Lucas Bersamin na lima sa economic team ni PBBM ang mananatili sa gabinete matapos hindi tanggapin ng Pangulo ang kanilang resignation.

KAUGNAY NA BALITA: Economic team ni PBBM, mananatili sa puwesto—Bersamin

Samantala, si Department of Environment and Natural Resources (DENR) Antonia Yulo-Loyzaga naman ang naunang pinangalanan ng Palasyo na tuluyang inalis sa puwesto kung saan nakatakda siyang palitan ni Energy Secretary Raphael Lotilla.

KAUGNAY NA BALITA: DENR Sec. Yulo-Loyzaga, na-elbow na sa gabinete ni PBBM?

Matapos gipitin ng CCG: Pinsala sa research vessels ng BFAR, aabot daw ng milyong halaga

Posible umanong umabot ng milyon ang halaga ng nasirang bahagi ng BRP Datu Sanday-isa sa mga research vessel ng Bureau of Fisheries and Aquatic Resources (BFAR) na binomba ng tubig at ginitgit ng Chinese Coast Guard. Sa news forum nitong Sabado, Mayo 24, 2025, kinumpirma ni BFAR spokesperson Nazario Briguera ang nasabing pinsala sa BRP Datu Sanday.'It would entail thousands of pesos yung sa...

Heidi Mendoza kay PBBM: ‘Mukhang trip to Jerusalem lang’

Nagbigay ng reaksiyon ang dating komisyuner ng Commission on Audit (COA) na si Heidi Mendoza kaugnay sa direktiba ni Pangulong Bongbong Marcos Jr., na mag-courtesy resignation ang mga miyembro ng kaniyang gabinete. Sa latest Facebook post ni Mendoza nitong Sabado, Mayo 24, inilarawan niya ang ginawang “courtesy resignation” ng mga gabinete ni Marcos bilang “trip to Jerusalem.”“Mukhang...

Netizens, may open letter kay Senator-elect Kiko dahil sa Maguad siblings

Matapos mapanood ang kuwento sa likod ng pagpaslang sa magkapatid na Crizzle Gwynn at Crizville Louis Maguad na isinabuhay sa muling nagbalik na 'Maalaala Mo Kaya' o MMK, marami sa mga netizen ang nanawagan kay Senator-elect Kiko Pangilinan kaugnay sa Republic Act 9344, o Juvenile Justice and Welfare Act, na siya ang principal author.Ibinahagi ng mga netizen ang Facebook post/open letter...