Kaufman, isinisi kay PBBM pagkakadetine ni FPRRD sa ICC-Balita

Kaufman, isinisi kay PBBM pagkakadetine ni FPRRD sa ICC

Kay Pangulong Ferdinand "Bongbong" Marcos, Jr. isinisi ni Atty. Nicholas Kaufman ang pagkakakulong ni dating Pangulong Rodrigo Duterte sa detention center ng International Criminal Court (ICC) sa The Hague, Netherlands.

Sa panayam ng international media kay Kaufman noong Biyernes, Mayo 23, 2025, iginiit niyang si PBBM daw ang may pakana sa pagkakakulong ng kaniyang kliyente.

"The real prosecutor in this case is actually in Manila, sitting in his Palace. He's the person who threw [former]President Duterte over here to The Hague," ani Kaufman.

Iginiit din ni Kaufman na ginagamit lang daw ni PBBM ang kaniyang kapangyarihan para sa sariling politikal na interes.

"He's the person who used the Office of the Prosecutor as a tool in his political campaign, and it won't work," aniya.

Kaugnay nito, inungkat ni Kaufman tinawag niyang "landslide victory" daw ni dating Pangulong Duterte sa Davao City noong nakaraang eleksyon.

"The former President won a landslide victory. As far I'm concerned, that's a finger in the eye to the people who threw him over here," anang abogado.

Dagdag pa niya, "That's the real point of the elections. It was a protest vote."

BASAHIN: FPRRD, di pwedeng mag-'work from Hague’ bilang mayor ng Davao City?

Matatandaang noong Marso 11 nang maaresto si dating Pangulong Duterte matapos magbaba ng arrest warrant ang ICC kaugnay ng reklamong "crimes against humanity" hinggil sa kaniyang naging madugong kampanya kontra droga.

KAUGNAY NA BALITA: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD

Samantala, nanawagan din si Kaufman sa mga tagasuporta ng dating Pangulo.

"Support him lawfully, and with all respect for due process, the judges, and the victims, who... have an important role to play," saad ni Kaufman.

Sa Setyembre inaasahang isagawa ang confirmation charges hearing kay dating Pangulong Duterte kung saan umaasa ang kaniyang kampo na maiaapela nila ang pansamantala niyang paglaya.

Babaeng lulong sa online gambling, sinaksak ang anak dahil sa Wi-Fi password

Nasakote ng pulisya ang isang ina sa Muntinlupa City matapos umano niyang undayan ng saksak ang kaniyang sariling anak.Ayon sa ulat ng Manila Bulletin nitong Sabado, Mayo 24, 2025, sa Wi-Fi password daw nag-ugat ang pagtatalo ng suspek at biktima.Nauna raw lapitan ng suspek ang isa pa niyang anak na babae para sa Wi-Fi password, ngunit ang biktima raw ang nakakaalam nito. Lumalabas sa...

Matapos gipitin ng CCG: Pinsala sa research vessels ng BFAR, aabot daw ng milyong halaga

Posible umanong umabot ng milyon ang halaga ng nasirang bahagi ng BRP Datu Sanday-isa sa mga research vessel ng Bureau of Fisheries and Aquatic Resources (BFAR) na binomba ng tubig at ginitgit ng Chinese Coast Guard. Sa news forum nitong Sabado, Mayo 24, 2025, kinumpirma ni BFAR spokesperson Nazario Briguera ang nasabing pinsala sa BRP Datu Sanday.'It would entail thousands of pesos yung sa...

Heidi Mendoza kay PBBM: ‘Mukhang trip to Jerusalem lang’

Nagbigay ng reaksiyon ang dating komisyuner ng Commission on Audit (COA) na si Heidi Mendoza kaugnay sa direktiba ni Pangulong Bongbong Marcos Jr., na mag-courtesy resignation ang mga miyembro ng kaniyang gabinete. Sa latest Facebook post ni Mendoza nitong Sabado, Mayo 24, inilarawan niya ang ginawang “courtesy resignation” ng mga gabinete ni Marcos bilang “trip to Jerusalem.”“Mukhang...