DENR Sec. Yulo-Loyzaga, na-elbow na sa gabinete ni PBBM?

Pinangalanan na ni Executive Secretary Lucas Bersamin ang ilang miyembro ng gabinete ni Pangulong Ferdinand “Bongbong” Marcos, Jr. na mananatili at naalis mula sa kanilang posisyon.

Sa press briefing nitong Biyernes, Mayo 23, 2025, binanggit ni Bersamin ang magiging pagbabago mula sa Environment Secretary at iba pang departamento.

Ayon kay Bersamin, nakatakdang maging bagong kalihim ng Department of Environment and Natural Resources (DENR) si Energy Secretary Raphael Lotilla. Papalitan niya si DENR Sec. Ma. Antonia Yulo-Loyzaga.

Nang tanungin ng media kung maikokonsidera daw bang underperform o kung nagpabaya si Yulo, sagot ni Bersamin: “I don't know how fair or unfair that perception is, na mas malimit siya sa labas ng bansa. Yun ang recurring na pinapadating sa amin. Ngunit huwag na natin siyang husgahan. Whether inefficiency pa 'yan o hindi, that's not up for us to do.”

Dagdag pa niya, “The evaluation showed that it was time to have her rest muna.”

Samantala, nakatakda namang palitan ni Energy Undersecretary Sharon Garin ang posisyong babakantihin ni Lotilla sa Department of Energy (DOE).

Magiging Presidential Adviser for Pasig River Development naman si Department of Human Settlements and Urban Development Secretary Jose Acuzar.

Nakatakda namang maging Foreign Affairs Secretary is Undersecretary Tess Lazaro matapos ang nakaambang paglipat ni DFA Sec. Enrique Manalo bilang kinatawan ng bansa sa United Nations.

Kaugnay nito, nauna nang igiit ni Bersamin na limang miyembro ng economic team ni PBBM ang mananatili pa rin sa puwesto matapos hindi tanggapin ng Pangulo ang kanilang courtesy resignation.

KAUGNAY NA BALITA: Economic team ni PBBM, mananatili sa puwesto—Bersamin

Matatandaang noong Huwebes, Mayo 22, nang ihayag ng Presidential Communications Office (PCO) ang naturang desisyon ni PBBM na isaayos ang kaniyang gabinete dahil sa kagustuhan daw ng taumbayan nang mas mabilis na resulta mula sa kaniyang administrasyon.

KAUGNAY NA BALITA: Pakikinggan ang mga tao? PBBM, pinagre-resign mga miyembro ng gabinete

Samantala, nilinaw naman Palace Press Undersecretary Claire Castro na mananatili pa rin sa puwesto ang lahat ng gabinete ni PBBM hangga’t wala raw pinal na desisyon ang Pangulo kung tuluyan silang papalitan sa puwesto.

KAUGNAY NA BALITA: Mga gabinete, mananatili sa puwesto hanggang sa ma-elbow ni PBBM—Palasyo

Atty. Chel Diokno, benepisyaryo daw ng confidential funds ni VP Sara?

Pumalag si Congressman-elect Atty. Chel Diokno matapos umanong madamay ang kaniyang pangalan sa mga nakatanggap umano ng confidential funds mula kay Vice President Sara Duterte.Sa isang Facebook post nitong Biyernes, Mayo 23, 2025, diretsahan niyang tinawag na pawang “kawalang-hiyaan” na raw ang pagkakadawit umano ng kaniyang pangalan kasama si Kapuso artist Marian Rivera.'Lahat na ba...

Comelec, ‘di raw makapag-desisyon sa kapalaran ng Duterte Youth Party-list: ‘Komplikado!’

Nagpaliwanag ang Commission on Elections (Comelec) kung bakit nakabinbin pa rin ang kaso at proklamasyon ng Duterte Youth Party-list.Sa pagharap ni Comelec Chairman George Erwin Garcia sa media nitong Biyernes, Mayo 23, 2025, iginiit niyang komplikado raw ang kaso ng Duterte Youth Party-list—kumpara sa disqualification case naman ng Bagong Henerasyon Party-list.“Yun po kasing sa Duterte Youth,...

ES Lucas Bersamin, 'di sinibak bilang cabinet member

Mananatili pa ring miyembro ng gabinete ni Pangulong Bongbong Marcos Jr. si Executive Secretary Lucas Bersamin.Aniya, hindi tinanggap ni Marcos ang isinumite niyang courtesy resignation. 'The President declined the courtesy resignation that I tendered. Just this morning, he communicated to me that I have his full backing for as long as I wish to work for him,' saad ni Bersamin sa...