Passport ni Roque, balak ipakansela ng DOJ: ‘He will be an undocumented alien!’

By Kate Garcia

May 22, 2025

In BALITA

Kinumpirma ng Department of Justice ang balak umano nilang ipakansela ang passport ng ni dating Presidential Spokesperson Harry Roque.

Sa ambush interview ng media kay DOJ Secretary Jesus Crispin "Boying" Remulla nitong Huwebes, Mayo 22, 2025, iginiit niyang ikakasa nila ang naturang plano laban kay Roque.

"Hindi ko pa napipirmahan, we will do that," ani Remulla.

Dagdag pa niya, maaari daw mapa-deport si Roque mula sa Netherlands kung sakaling magsabay na maging kanselado ang kaniyang passport at wala ring asylum.

"He will be an undocumented alien, 'pag wala siyang asylum at na-cancel ang passport n'ya he will be deported," anand DOJ secretary.

Sa kabila ng idinidipensa ni Roque na hindi raw siya maaaring arestuhin dahil sa kaniyang nakabinbing aplikasyon para sa asylum sa Netherlands, sagot ni Remulla, "I'm sure the asylum application will have to be finished before it is acted upon in the Netherlands, but we know that the Netherlands will not tolerate the commission of crimes that are being charged in this case, they will not tolerate it."

Matatandaang kamakailan lang nang maglabas ang Angeles City Regional Trial Court (RTC) Branch 118 laban kay Roque at Cassandra Ong dahil sa umano’y human trafficking kaugnay ng mga operasyon ng isang Philippine Offshore Gaming Operator (POGO) hub sa Pampanga.

KAUGNAY NA BALITA: Harry Roque, pinaaaresto ng Angeles court dahil sa umano’y human trafficking kaugnay ng POGO

Si Roque ay nananatili sa Netherlands habang hinihintay lumabas ang kaniyang asylum bid sa naturang bansa.

KAUGNAY NA BALITA: Roque, napahagulgol sa asylum application: ‘Wala nang tago-tago!’

'Unahan ko na kayo!' Jam Magno, kusang sumuko sa CIDG sa Butuan City

Ibinida ng social media personality na si Jam Magno ang kusa niyang pagsuko sa Criminal Investigation and Detection Group (CIDG) sa Butuan City Field Unit dahil sa kasong paglabag umano sa Cybercrime Prevention Act, na may tatlong counts.Ibinahagi na mismo ni Magno sa kaniyang Facebook reels ang voluntary surrender niya sa CIDG habang naka-make-up pa, bago pa raw siya putaktihin sa social...

Courtesy resignation sa gabinete ni PBBM, pinuna ni ex-Bayan Muna Rep. Zarate

Hindi suportado ni dating Bayan Muna Rep. Carlos Zarate ang naging desisyon ni Pangulong Ferdinand 'Bongbong' Marcos, Jr. hinggil sa courtesy resignation sa kaniyang gabinete.Ayon sa pahayag ni Zarate nitong Huwebes, Mayo 22, 2025, pawang pagtatakip lamang daw sa lumalalang kondisyon ng bansa ang naturang malawakang resignation sa hanay ng gabinete ng Pangulo.'President Marcos’...

Vic Rodriguez kay PBBM: 'Kahit magpalit-palit ka pa ng cabinet secretary, ang problema ikaw mismo'

Tila pinatutsadahan ni dating executive secretary Vic Rodriguez si Pangulong Bongbong Marcos, Jr. kaugnay sa direktiba nito na magsumite ng 'courtesy resignation' ang mga miyembro ng gabinete nitong Huwebes, Mayo 22. Matatandaang iginiit ni Marcos, ang naturang direktiba niya ay naglalayong mabigyan siya ng pagkakataon upang suriin ang 'performance' ng bawat...