Mga gabinete, mananatili sa puwesto hanggang sa ma-elbow ni PBBM—Palasyo

By Kate Garcia

May 22, 2025

In BALITA National

Nilinaw ng Malacañang na mananatili pa rin umano sa kani-kanilang puwesto ang lahat ng miyembro ng gabinete ni Pangulong Ferdinand “Bongbong” Marcos, Jr. sa kabila ng naging direktiba ng Pangulo kaugnay ng courtesy resignation.

Sa press briefing ni Palace Press Undersecretary Claire Castro nitong Huwebes, Mayo 22, 2025, iginiit niyang hawak pa rin ng Pangulo ang desisyon kung may papalitan siya sa kaniyang gabinete.

“Yes, mananatili sila sa kanilang posisyon. Siguro ito na yung tamang panahon para ipakita nila na dapat silang manatili sa kanilang posisyon pero kapag nakita po talaga ng Pangulo na hindi mo deserve ang iyong posisyon, you will be out,” ani Castro.

Giit pa ni Castro na itinakda ng Pangulo ang naturang desisyon dahil sa pagkadismaya at upang maalarma raw sa pagkilos ang lahat ng gabinete.

“Lahatan po ito, para magkaroon ng elbow room ang Pangulo sa pagpili ng tamang lider na mamumuno sa kaniyang administrasyon,” saad ni Castro.

Matatandaang nitong Huwebes ng umaga nang ihayag ng Presidential Communications Office (PCO) ang nasabing desisyon ni PBBM.

“This is not about personalities—it’s about performance, alignment, and urgency. Those who have delivered and continue to deliver will be recognized. But we cannot afford to be complacent. The time for comfort zones is over,” anang pahayag na inilabas ng PCO.

KAUGNAY NA BALITA: Pakikinggan ang mga tao? PBBM, pinagre-resign mga miyembro ng gabinete

Samantala, ilang gabinete na ni PBBM ang nagsumite ng kanilang resignation kabilang sina Department of Justice (DOJ) Sec. Boying Remulla, Department of National Defense (DND) Gilberto Teodoro, Energy Sec. Raphael Lotilla, Department of Social Welfare and Development (DSWD) Sec. Rex Gatchalian at Executive Sec. Lucas Bersamin.

'Unahan ko na kayo!' Jam Magno, kusang sumuko sa CIDG sa Butuan City

Ibinida ng social media personality na si Jam Magno ang kusa niyang pagsuko sa Criminal Investigation and Detection Group (CIDG) sa Butuan City Field Unit dahil sa kasong paglabag umano sa Cybercrime Prevention Act, na may tatlong counts.Ibinahagi na mismo ni Magno sa kaniyang Facebook reels ang voluntary surrender niya sa CIDG habang naka-make-up pa, bago pa raw siya putaktihin sa social...

Courtesy resignation sa gabinete ni PBBM, pinuna ni ex-Bayan Muna Rep. Zarate

Hindi suportado ni dating Bayan Muna Rep. Carlos Zarate ang naging desisyon ni Pangulong Ferdinand 'Bongbong' Marcos, Jr. hinggil sa courtesy resignation sa kaniyang gabinete.Ayon sa pahayag ni Zarate nitong Huwebes, Mayo 22, 2025, pawang pagtatakip lamang daw sa lumalalang kondisyon ng bansa ang naturang malawakang resignation sa hanay ng gabinete ng Pangulo.'President Marcos’...

Vic Rodriguez kay PBBM: 'Kahit magpalit-palit ka pa ng cabinet secretary, ang problema ikaw mismo'

Tila pinatutsadahan ni dating executive secretary Vic Rodriguez si Pangulong Bongbong Marcos, Jr. kaugnay sa direktiba nito na magsumite ng 'courtesy resignation' ang mga miyembro ng gabinete nitong Huwebes, Mayo 22. Matatandaang iginiit ni Marcos, ang naturang direktiba niya ay naglalayong mabigyan siya ng pagkakataon upang suriin ang 'performance' ng bawat...