Palasyo, may nilinaw sa 'reconciliation' remark ni PBBM: 'Wag lamang mag-focus sa mga Duterte'-Balita

Palasyo, may nilinaw sa 'reconciliation' remark ni PBBM: 'Wag lamang mag-focus sa mga Duterte'

Iginiit ni Palace Press Undersecretary Claire Castro na huwag lamang daw ituon ng publiko sa mga Duterte ang naging pahayag ni Pangulong Ferdinand “Bongbong” Marcos Jr. tungkol sa pagiging bukas niyang makipag-ayos sa kaniyang mga kaaway.

Sa kaniyang press briefing nitong Miyerkules, Mayo 21, 2025, nilinaw niyang hindi lamang daw limitado sa mga Duterte ang tinutukoy ng Pangulo.

“Tandaan po natin, huwag po tayong mag-focus sa nasabing open for reconciliation [na] na para lamang sa mga Duterte. Malinawag po ang sinabi ng Pangulo [na] sa lahat ng tao, na maaaring hindi kapareho ng kaniyang paniniwala o ng prinsipyo o ng polisiya,” saad ni Castro.

Nang tanungin ng media kung paano nakakaapekto ang naturang rekonsilasyon ng Pangulo sa nakabinbing impeachment ni Vice President Sara Duterte, paglilinaw ni Castro, “So huwag nating isentro ang open for reconciliation sa mga Duterte. Hindi po gagawin ng Pangulo na lumabag sa batas para lamang sa isang rekonsilasyon.”

Nagkomento rin si Castro sa naging pahayag ng ilang kaalyado ng mga Duterte na magiging posible lang daw na magkasundo muli ang panig ng PBBM admin at mga Duterte kung maibabalik sa bansa mula sa International Criminal Court (ICC) detention center si dating Pangulong Duterte.

“Tandaan po natin, hindi po magpapahawak sa leeg at hindi po magpapadikta ang Pangulo sa mali. Hindi po babaliktarin ng Pangulo ang batas para lamang pagsilbihan ang personal na interes ng iilan.

Matatandaang naging usap-usapan ang pahayag ni PBBM mula sa kaniyang podcast hinggil pagiging buukas niyang makipagkasundo sa mga Duterte.

“Mr. President, kayo po ba sa puso ninyo, gusto n'yo po bang makipagkasundo pa sa mga Duterte?" tanong ni Anthony Taberna sa naturang podcast episode.

“Oo. Ayoko ng gulo. Gusto ko makasundo lahat ng tao. Marami na akong kaaway, hindi ko kailangan ng kaaway, kailangan ko ng kaibigan,” anang Pangulo.

KAUGNAY NA BALITA: PBBM, bukas na makipagkasundo sa mga Duterte: 'Ayoko ng gulo'

Samantala, wala pang inilalabas na pahayag ang kampo ng mga Duterte hinggil sa nasabing pahayag ni PBBM.

Sen. Robin nakapag-breakfast meeting kasama si FPRRD; standee nga lang

Ibinahagi ni Sen. Robin Padilla ang kaniyang pagbe-breakfast habang muling nasa The Hague, Netherlands kasama ang 'standee' ni dating Pangulong Rodrigo Duterte.Makikita sa Facebook post ng senador ang kaniyang breakfast kasama ang standee ng chairman ng Partido Demokratiko Pilipino (PDP Laban).'Good vibes lang,' anang senador.'Breakfast meeting kasama ang chairman ng...

Femicide? Babaeng model-influencer, tinodas ng impostor na delivery man

Hindi pa man nakaka-get over ang mga netizen sa pinaslang na Mexican social media influencer habang naka-live stream, isa na namang insidente ng pagpatay ang lumutang sa ibang bansa, matapos patayin ng isang umano'y nagpanggap na delivery man ang 22-anyos na model-influencer na si Maria José Estupiñan mula sa Colombia.Ayon sa mga ulat ng international media outlets, sa kumpirmasyon na rin...

Line-up ng posibleng pumalit bilang PNP chief, pinuri ni Marbil: 'Ang gagaling po ng mga 'yan'

Nagpahayag ng suporta si Philippine National Police (PNP) Chief Rommel Marbil sa mga posible umanong pumalit sa kaniya bilang susunod na lider ng buong kapulisan.Sa kaniyang press briefing nitong Miyerkules, Mayo 21, 2025, iginiit ni Marbil na pawang mga karapat-dapat umano ang limang napipisil na susunod sa kaniya.“Ang gagaling po ng mga pulis namin. They have their own strength…that is...