Akbayan kay Harry Roque: 'Uwi ka na galit na kami, Interpol bring him home!'

By Richard De Leon

May 21, 2025

In BALITA National

May mensahe ang party-list na Akbayan kay dating presidential spokesperson Atty. Harry Roque kaugnay sa kinahaharap na kasong umano'y human trafficking na may kinalaman sa operasyon ng isang Philippine Offshore Gaming Operator (POGO) hub sa Pampanga.

Mababasa sa kanilang Facebook post noong Martes, Mayo 20, "Uwi ka na, galit na kami. Interpol, bring him home."

Mababasa naman sa kalakip na art card ang "Bring Harry Roque Home" na hango sa "Bring PRRD Home" na panawagan para sa pagpapauwi kay dating Pangulong Rodrigo Duterte mula sa International Criminal Court (ICC) Detention Center na nasa The Hague, Netherlands.

Samantala, kinumpirma ng Department of Justice (DOJ) na inihahanda na nila ang mga kaukulang dokumento upang maipaaresto sa International Crime Police Organization (Interpol) si Roque, na nag-aplay naman ng asylum habang nasa ibang bansa, na nakabinbin pa.

Sa pamamagitan naman ng Facebook live noong Martes (araw sa Pilipinas), Mayo 20, nanindigan si Roque na hindi raw siya maaaring arestuhin dahil sa nabnggit na asylum application.

KAUGNAY NA BALITA: DOJ, naghahanda nang ipaaresto si Roque sa Interpol

Partidong Akbayan ang nangunang party-list sa naganap na 2025 National and Local Elections na naproklama na noong Lunes, Mayo 19.

'Pekeng' doktor na tumuli sa namatay na 10-anyos, dati na raw nabilanggo

Lumalabas umano sa imbestigasyon na dati nang nakulong ang nagpakilalang doktor na tumuli sa isang 10-anyos na batang lalaki sa Balut, Tondo, Maynila na naging dahilan ng kaniyang pagkamatay.Sa ulat ng 'Unang Balita' ng Unang Hirit, morning show ng GMA Network, nakulong na raw dati ang nabanggit na doktor dahil sa kaso ng umano'y pagpapanggap bilang isang doktor, gamit ang pangalan...

2 babaeng estudyante, timbog sa ₱5.3M halaga ng iligal na droga

Dalawang estudyante ang inaresto ng mga awtoridad matapos na mahulihan ng ₱5.3 milyong halaga ng hinihinalang shabu sa isang anti-illegal drugs operation sa Pasig City nitong Martes, Mayo 20. Kinilala ni Eastern Police District (EPD) Officer-In-Charge (OIC) PBGEN Aden Lagradante ang mga naarestong suspek na sina alyas 'Emma' at alyas 'Cristy,' 18, kapwa residente ng Brgy....

Bam Aquino, inukit sa dahon; nangakong palalawakin 'Libreng Kolehiyo'

Nagpasalamat si Senator-elect Bam Aquino sa isang leaf artist na inukit ang kaniyang mukha sa isang malaking dahon, matapos ang kaniyang pagkapanalo sa naganap na senatorial race.'Napakahusay! Maraming maraming salamat, Joneil ng Ukit Neil!' pasasalamat ni Aquino sa leaf artist na umukit sa kaniyang mukha.Kasunod nito, ipinangako ni Aquino na palalawakin pa niya ang batas hinggil sa...