Sen. JV, nag-react na bukas si PBBM sa reconciliation sa mga Duterte-Balita

Sen. JV, nag-react na bukas si PBBM sa reconciliation sa mga Duterte

May reaksiyon at komento si Sen. JV Ejercito patungkol sa nasabi ni Pangulong Ferdinand "Bongbong" Marcos, Jr. sa kaniyang "BBM Podcast" na bukas siya sa pakikipag-ayos sa pamilya Duterte dahil ayaw niya ng gulo.

Sa episode 1 ng podcast ng Pangulo na umere noong Lunes, Mayo 19, natanong ng host nitong si broadcast-journalist Anthony Taberna kung bukas ba siyang makipagsundo sa pamilya Duterte matapos ang kanilang "falling out."

"Mr. President, kayo po ba sa puso ninyo, gusto n'yo po bang makipagkasundo pa sa mga Duterte?" tanong ni Taberna.

"Oo. Ayoko ng gulo. Gusto ko makasundo lahat ng tao. Marami na akong kaaway, hindi ko kailangan ng kaaway, kailangan ko ng kaibigan," sagot ng Pangulo.

KAUGNAY NA BALITA: PBBM, bukas na makipagkasundo sa mga Duterte: 'Ayoko ng gulo'

"Kaya ako lagi akong bukas sa ganyan. I'm always open to any approach na 'Halika magtulungan tayo.' Kahit hindi tayo magkasundo sa polisiya, gawin 'yong trabaho pero huwag na tayong nanggugulo. Tanggalin natin 'yong gulo," giit pa ni Marcos.

Sa opisyal na pahayag naman ni Ejercito, na mababasa sa kaniyang Facebook post, sinabi niyang tila ang alitan at bangayan ng dalawa ay malalim na subalit umaasa pa ring mangyayari.

"Sa mga lumalabas na pahayag at mga balita, mukhang malalim na ang alitan at hidwaan. Pero kahit parang malabo at mahirap sa ngayon, umaasa pa rin tayo, at praying, na magkakaroon ng positive development," anang senador.

"We’ve been saying this too ever since, that early political bickerings and rifts have done nothing but hold us back. Napag-iiwanan na tayo ng mga karatig nating bansa."

"We have so many pressing problems that need us to work together and stay focused. I hope we can just prioritize the country’s current challenges. If we join forces, we can help our people and our country move forward."

Matatandaang lumutang ang pangalan ni Ejercito sa mga senador daw na posibleng kumontra sa impeachment ni Vice President Sara Duterte kapag umusad na ito sa Senado, ayon kay dating presidential spokesperson Atty. Harry Roque.

KAUGNAY NA BALITA: Harry Roque, ibinahagi mga posibleng senador na ‘kokontra sa impeachment’ ni VP Sara

Philip Salvador, masayang number 1 sa boto 'beshy' na si Sen. Bong Go

Matapos magpasalamat sa mga bumoto sa kaniya at sa mga kasamang kandidato sa 'DuterTEN,' nagpasalamat din sa sambayanang Pilipino si Philip Salvador matapos daw gawing number 1 ang matalik na kaibigang si Sen. Bong Go.'Ako po ay Lubos na nagpapasalamat sa inyong suporta sa akin, lalong lalo na po na ginawa ninyong number 1 aking kaibigan na si Senator Bong Go,' wika ni...

Philip Salvador, nagpasalamat sa mga bumoto sa kaniya: 'Tuloy ang malasakit!'

Nagpasalamat si PDP-Laban Vice President for Luzon Philip Salvador sa lahat ng mga botanteng Pilipinong nagpakita ng suporta at bumoto sa kaniya sa nagdaang halalan, gayundin sa mga kasama niya sa 'DuterTEN.'Bukod sa kaniya, pinasalamatan din niya ang mga Pilipinong bumoto para kay Sen. Bong Go, na ginawa raw nilang numero unong senator-elect.'Ako po ay Lubos na nagpapasalamat sa...

Sen. Grace Poe, at iba pa dumalaw sa puntod ni Susan Roces

Ibinahagi ni Sen. Grace Poe ang pagdalaw nila ng anak na si FPJ Panday Bayanihan party-list Rep. Brian Poe Llamanzares sa puntod ng pumanaw na inang si Susan Roces sa Manila North Cemetery, Martes, Mayo 20.Nagsadya ang senadora at anak gayundin ang ilang mga kaanak at tagahanga ng isa sa mga itinuturing na reyna ng Philippine cinema dahil sa ikatlong death anniversary nito.'Tatlong taon na...