Home

BALITA

National

Manny Villar, nagpasalamat kay VP Sara; 'malaking dahilan' kung bakit nanalo si Camille

May 20, 2025

photo courtesy: Manny Villar/Facebook

Manny Villar, nagpasalamat kay VP Sara; 'malaking dahilan' kung bakit nanalo si Camille

By Nicole Therise Marcelo

May 20, 2025

In BALITA National

Nagpasalamat si dating Senate President at business tycoon Manny Villar kay Vice President Sara Duterte dahil sa pagsuporta nito sa kandidatura ng kaniyang anak na si Senator-elect Camille Villar.

"Maraming salamat kay Vice President Sara Duterte sa kanyang suporta sa kandidatura ni Camille na isang malaking dahilan sa kanyang pagkapanalo," saad ni Villar sa isang Facebook post nitong Martes, Mayo 20.

Ayon pa kay Villar, malalim ang pagkakaibigan ng Pamilya Villar at Duterte mula pa noong 1998.

"Malalim ang pagkakaibigan ng pamilya Villar at Duterte na nagsimula pa ng 1998 noong ako ay Speaker at si dating Presidente Digong ay kongresista ng Davao City. Ito ay isang pagkakaibigan na hindi lamang personal kung hindi nakabatay sa aming nagkakaisang pangarap tungo sa pagkakaisa at pag-unlad ng sambayanan," ayon pa sa ama ni Camille.

"Ito ang pangarap na patuloy na ipaglalaban ni Camille bilang senador. Maraming salamat muli, VP Sara!"

Matatandaang inendorso ni Duterte si Camille noong nagdaang eleksyon, kahit na ito ay bahagi ng Alyansa para sa Bagong Pilipinas ni Pangulong Bongbong Marcos.

BASAHIN: Camille Villar, nakipag-fist bump kay VP Sara: 'Walang iwanan'

Ilang araw matapos ang eleksyon, nagpasalamat din si Camille sa bise presidente at sinabing "walang iwanan."

BASAHIN: Mensahe ni Senator-elect Camille Villar kay VP Sara: 'Walang iwanan!'

Nanalo si Camille nang makakuha ng 13,651,274 na boto.

Philip Salvador, nagpasalamat sa mga bumoto sa kaniya: 'Tuloy ang malasakit!'

Nagpasalamat si PDP-Laban Vice President for Luzon Philip Salvador sa lahat ng mga botanteng Pilipinong nagpakita ng suporta at bumoto sa kaniya sa nagdaang halalan, gayundin sa mga kasama niya sa 'DuterTEN.'Bukod sa kaniya, pinasalamatan din niya ang mga Pilipinong bumoto para kay Sen. Bong Go, na ginawa raw nilang numero unong senator-elect.'Ako po ay Lubos na nagpapasalamat sa...

Sen. Grace Poe, at iba pa dumalaw sa puntod ni Susan Roces

Ibinahagi ni Sen. Grace Poe ang pagdalaw nila ng anak na si FPJ Panday Bayanihan party-list Rep. Brian Poe Llamanzares sa puntod ng pumanaw na inang si Susan Roces sa Manila North Cemetery, Martes, Mayo 20.Nagsadya ang senadora at anak gayundin ang ilang mga kaanak at tagahanga ng isa sa mga itinuturing na reyna ng Philippine cinema dahil sa ikatlong death anniversary nito.'Tatlong taon na...

Nanay sinilaban 3 anak bago sinunog sarili; netizens, nanimbang

TRIGGER WARNING: Pagbanggit sa salitang depresyonHindi maka-get over ang mga netizen sa kalunos-lunos na balitang isang ina sa Sta. Maria, Bulacan ang sumunog sa kaniyang tatlong maliliit na anak, at pagkatapos, saka naman niya ito ginawa sa kaniyang sarili, dahil umano sa depresyon.Ayon sa mga ulat, nadatnang sunod na sunog ang mga bata sa loob mismo ng kanilang bahay sa Barangay San Vicente....