Home

BALITA

Tugon ng Palasyo sa 'bloodbath impeachment' remark ni VP Sara: 'May pagkabayolente'

May 19, 2025

Photo courtesy: screenshot from RTVM, MB file photo

Tugon ng Palasyo sa 'bloodbath impeachment' remark ni VP Sara: 'May pagkabayolente'

By Kate Garcia

May 19, 2025

In BALITA

Nagkomento ang Palasyo hinggil sa kagustuhan umano ni Vice President Sara Duterte na magkaroon ng madugong impeachment trial.

Sa press briefing ni Palace Press Undersecretary Claire Castro nitong Lunes, Mayo 19, 2025, iginiit niyang may pagkabayolente raw ang gustong mangyari ng Pangalawang Pangulo.

"Medyo may pagkabayolente ang tugon ng ating Bise Presidente," ani Castro.

Hiling pa ni Castro, na hindi raw sana ito magkatotoo.

"We hope it is just figure of speech and will not be taken literally," aniya.

Muli ring iginiit ni Castro na hindi mangingialam si Pangulong Ferdinand "Bongbong" Marcos, Jr., sa magiging proseso ng nakabinbing impeachment ni VP Sara.

"Kung 'yan naman po ang nais n'ya at talaga namang magkakaroon ng balitaktakan kapag nagkaroon ng trial, hayaan na lang po natin itong gumulong, saad ni Castro.

Dagdag pa niya, "Hindi po mangingialam ang ang Pangulo patungkol sa ganiyang issue. Hindi tayo magbibigay ng anumang opinyon patungkol diyan."

Matatandaang kamakailan lang nang igiit ni VP Sara na mas nanaisin niya raw na matuloy ang kaniyang nakabinbing impeachment trial na sana raw ay mas magdugo ito.

“Sinabihan ko na rin talaga sila [mga abogado n’ya]. I truly want a trial because I want a bloodbath talaga,” anang Pangalawang Pangulo.

KAUGNAY NA BALITA: VP Sara, nagkomento sa nakabibing niyang impeachment: 'I want a bloodbath!'

Samantala, pinalagan naman ni Congresswoman-elect Leila de Lima ang naturang pahayag ni VP Sara. Si De Lima ang isa sa mga uupong prosecutor ni Bise Presidente kabilang na si Congressman-elect Chel Diokno.

KAUGNAY NA BALITA: 'Bloodbath impeachment’ na bet ni VP Sara, pinalagan ni De Lima: 'Mindless arrogance!'

Anthony Taberna, host ng episode 1 ng 'BBM Podcast'

Nagsimula na ang episode 1 ng 'BBM Podcast' ni Pangulong Ferdinand 'Bongbong' Marcos, Jr. na naka-upload sa social media platforms ng pangulo gayundin sa Presidential Communications Office.May pamagat ang unang episode na 'Pagkatapos ng Halalan' na inupload nang buo, Lunes, Mayo 19.May nasa 28 minuto ang nabanggit na podcast na inaasahang sasagot sa mga isyung...

Kabataan Partylist sa naudlot na proklamasyon ng Duterte Youth: 'Deserve!'

Itinuturing umanong unang hakbang ng Kabataan Party-list ang pagkakasuspinde ng Duterte Youth Party-list matapos silang hindi payagang maproklama ngayong Lunes, Mayo 19, 2025 dahil sa mga nakabinbing petisyon laban sa kanila. Sa panayam ng media kay Kabataan Partylist Representative at Congresswoman-elect Atty. Renee Co, nararapat lamang daw ang sinapit ng tinatawag nilang “pekeng...

PBBM, bukas na makipagkasundo sa mga Duterte: 'Ayoko ng gulo'

Diretsahang sinabi ni Pangulong Bongbong Marcos, Jr. na bukas siyang makipagkasundo sa Pamilya Duterte.Sa episode 1 ng BBM Podcast nitong Lunes, Mayo 19, itinanong ng host na si Anthony Taberna ang tungkol sa kagustuhan pa ni PBBM na makipagsundo sa mga Duterte.'Mr. President, kayo po ba sa puso ninyo, gusto n'yo po bang makipagkasundo pa sa mga Duterte?' tanong ni Taberna.'Oo....