Kabataan Partylist sa naudlot na proklamasyon ng Duterte Youth: 'Deserve!'

By Kate Garcia

May 19, 2025

In BALITA Eleksyon

Itinuturing umanong unang hakbang ng Kabataan Party-list ang pagkakasuspinde ng Duterte Youth Party-list matapos silang hindi payagang maproklama ngayong Lunes, Mayo 19, 2025 dahil sa mga nakabinbing petisyon laban sa kanila.

Sa panayam ng media kay Kabataan Partylist Representative at Congresswoman-elect Atty. Renee Co, nararapat lamang daw ang sinapit ng tinatawag nilang “pekeng party-tlist” ng mga kabataan.

"Deserve!" ani Co.

Dagdag pa niya, “Suspension ng Duterte Youth is the first step doon sa matagal na clamor ng youth sector para sa kanilang disqualification.”

Saap pa niya, hindi raw bitbit ng Duterte Youth ang mga panawagan ng kabataan sa kanilang anim na taong panunungkulan sa Kamara.

“Hindi nila binitbit ever ang mga panawagan ng sektor ng kabataan- ang pangangailangan nila edukasyon, trabaho, serbisyo, karapatan, kasarinlan,” aniya.

Umaasa rin daw ang Kabataan Party-list na tuluyang madiskwalipika ang Duterte Youth.

“We welcome this first step and of course we are guarded. So that the following steps until the disqualification persists,” saad ni Co.

Matatandaang nitong Lunes din ng kumpirmahin ng Commission on Elections (Comelec) na kabiang ang Duterte Youth sa dalawang party-list representatives na sinuspinde ng komisyon na maiproklama kasama ng Bagong Henerasyon (BH) Party-list.

KAUGNAY NA BALITA: Duterte Youth, BH Party-list, naudlot proklamasyon para sa 20th Congress

Akbayan Party-list, nagpahayag ng suporta sa impeachment laban kay VP Sara

Muling inihayag ng nagbabalik-Kongresong Akbayan Party-list ang kanila raw suporta sa impeachment laban kay Vice President Sara Duterte. Sa panayam ng media kay Akbayan Party-list 1st nominee Chel Diokno kasama ang kaniya pang co-nominees na sina Percival Cendana at Dadah Kiram Ismula, ipinaliwanag niya kung ano raw ang gusto nilang mapatunayan sa naturang nakabinbing impeachment laban sa...

Pinoy sawa na sa politika, disappointed sa serbisyo ng gobyerno!—PBBM

Nagsimula na ang episode 1 ng 'BBM Podcast' ni Pangulong Ferdinand 'Bongbong' Marcos, Jr. na naka-upload sa social media platforms ng pangulo gayundin sa Presidential Communications Office.May pamagat ang unang episode na 'Pagkatapos ng Halalan' na inupload nang buo, Lunes, Mayo 19.May nasa 28 minuto ang nabanggit na podcast na inaasahang sasagot sa mga isyung...