Duterte Youth, BH Party-list, naudlot proklamasyon para sa 20th Congress

By Kate Garcia

May 19, 2025

In BALITA Eleksyon

Kinumpirma ng Commission on Elections (Comelec) na pansamantalang suspendido ang proklamasyon ng Duterte Youth Party-list at Bagong Henerasyon (BH) Party-list ngayong Lunes, Mayo 19, 2025.

Ayon kay Comelec George Erwin Garcia, nagkaroon ng rekomendasyong supendihin ang dalawang party-list bunsod umano ng mga petisyong nakabinbin laban sa kanila.

"In its recommendation dated May 17, 2025, the supervisory committee has recommended the suspension of the proclamation of Duterte Youth Partylist and BH Bagong Henerasyon due to the following pending petitions filed before the Clerk of the Commission," ani Garcia.

Saad pa ni Garcia kabilang umano sa mga alegasyon laban sa Duterte Youth at BH Party-list.

"Considering the serious allegations raised in the above petitions which involved grave violation of election laws, the National Board of Canvassers resolves to suspend the proclamation of Duterte Youth Party-list and Bagong Henerasyon Party-list until the speedy and judicious resolution of the petitions filed before the Clerk of Commission," anang Comelec chairman.

Bagama't naantala ang proklamasyon ng Duterte Youth at BH Party-list, hindi umano nangangahulugang diskwalipikado na sila sa pag-upo sa Kamara hangga't hindi raw nareresolba o naisasapinal ang mga petisyong nakabinbin laban sa kanila.

Kabilang ang Duterte Youth sa top 3 ng Party-list Representative na nakatakda sanang umokupa ng tatlong puwesto sa Kamara kasama ng Akbayan at Tingog Party-lists.

KAUGNAY NA BALITA: 3 nominees ng Akbayan, Duterte Youth, Tingog, magkakaroon ng puwesto sa Kamara—Comelec

Akbayan Party-list, nagpahayag ng suporta sa impeachment laban kay VP Sara

Muling inihayag ng nagbabalik-Kongresong Akbayan Party-list ang kanila raw suporta sa impeachment laban kay Vice President Sara Duterte. Sa panayam ng media kay Akbayan Party-list 1st nominee Chel Diokno kasama ang kaniya pang co-nominees na sina Percival Cendana at Dadah Kiram Ismula, ipinaliwanag niya kung ano raw ang gusto nilang mapatunayan sa naturang nakabinbing impeachment laban sa...

Pinoy sawa na sa politika, disappointed sa serbisyo ng gobyerno!—PBBM

Nagsimula na ang episode 1 ng 'BBM Podcast' ni Pangulong Ferdinand 'Bongbong' Marcos, Jr. na naka-upload sa social media platforms ng pangulo gayundin sa Presidential Communications Office.May pamagat ang unang episode na 'Pagkatapos ng Halalan' na inupload nang buo, Lunes, Mayo 19.May nasa 28 minuto ang nabanggit na podcast na inaasahang sasagot sa mga isyung...