Home

BALITA

Eleksyon

Pagtagilid ng Alyansa sa eleksyon, dahil sa ‘bangayan sa politika’—Sen. Erwin Tulfo

May 18, 2025

Photo courtesy: file photo

Pagtagilid ng Alyansa sa eleksyon, dahil sa ‘bangayan sa politika’—Sen. Erwin Tulfo

By Kate Garcia

May 18, 2025

In BALITA Eleksyon

Hindi raw naniniwala si incoming Senator Erwin Tulfo na ang pagkakasa ng impeachment laban kay Vice President Sara Duterte ang dahilan ng pagtagilid ng Alyansa Para sa Bagong Pilipinas noong nakaraang eleksyon.

Sa panayam ng media kay Tulfo matapos ang kanilang proklamasyon noong Sabado, Mayo 17, 2025, ipinaliwanag niyang marami umanong dahilan kung bakit naging mababa ang pagsuporta ng mga taga-Mindanao sa kanilang partido.

“Maraming factors eh. Yung mga away-away politika, yung hindi pagkakasundo-sundo. Kasi kung sasabihin mo lang na impeachment—hindi yun eh. Maraming bagay, problema. Siguro nakita rin ng mga tao yung away ng dalawang grupo,” saad ni Tulfo.

Ginawa niya ring halimbawa ang naging pagkapanalo nina incoming senator Bam Aquino at Kiko Pangilinan na kapuwa pasok sa top 5 ng magic 12 at kung bakit umano sila napsuan ng taumbayan.

“Kaya you see, [nanalo] sina Senator Bam Aquino, Senator Kiko Pangilinan [kahit] sa mga survey wala sila. It is because napagod na yung mga tao sa Mindanao sa away-away ng dalawang grupo [Alyansa, PDP] nagbabanggaan. So may option sila, yung third option na nangyari. So I don’t blame na it’s all about the impeachment lang, maraming factors,” giit niya.

Matatandaang nagsimulang umugong ang umano’y direktang epekto sa Alyansa ng nakabinbing impeachment trial ni VP Sara matapos igiit ng kanilang campaign manager na si Navotas Lone District Rep. Toby Tiangco na siya ang sinisisi ng kanilang partido.

KAUGNAY NA BALITA: Toby, sinisi umano ng Alyansa; nagpakana ng impeachment ni VP Sara, sinisi naman niya

Mayoral bet, pumalag sa isyu ng driver niyang dinakip dahil sa 'food packs'

Nagpaliwanag ang natalong mayoral candidate ng City of San Jose Del Monte, Bulacan na si Atty. Earl Tan hinggil sa isyu ng 62-anyos na driver niyang dinakip ng mga pulis ng San Jose Del Monte City Police Station matapos umanong maaktuhang namimigay ng food packs sa mga botante sa araw mismo ng eleksyon noong Lunes, Mayo 12, 2025, na isa umanong akto ng 'vote-buying.'Ayon sa ulat ng...

Pagkukumpuni sa San Juanico Bridge, posibleng pumalo ng ₱500M—OCD

Inihayag ng Office of the Civil Defense (OCD) na tinatayang aabot umano ng milyong halaga ang pagkukumpuni sa isa sa mga pinakamahabang tulay sa bansa—ang San Juanico Bridge.Sa panayam ng Super Radyo dzBB kay OCD administrator Undersecretary Ariel Nepomucena, posible raw na umabot ng ₱300 hanggang ₱500M ang kakailanganin upang makumpuni ang naturang tulay. “Very rough estimate po ito,...

Giit ni HS Romualdez sa bentahan ng ₱20 na bigas: 'The beginning of a national transformation!'

Nagpahayag ng pagsuporta si House Speaker Martin Romualdez sa muling pagsisimula ng bentahan ng ₱20 na bigas sa ilang Kadiwa market sa bansa.Sa kaniyang pahayag nitong Linggo, Mayo 18, 2025, iginiit ni Romualdez na ito na raw ang simula ng pagbabago.“This is not a one-time rollout. This is the beginning of a national transformation. President Marcos is showing us that with political will and...