VP Sara sa mababang boto ng Alyansa senatorial bets: ‘It's because of the President!’-Balita

VP Sara sa mababang boto ng Alyansa senatorial bets: ‘It's because of the President!’

Iginiit ni Vice President Sara Duterte na wala nang ibang dapat sisihin sa mababang bilang na boto ng senatorial candidate ng Alyansa Para Sa Bagong Pilipinas sa 2025 midterm election kundi si Pangulong Ferdinand “Bongbong” Marcos Jr.

“It's because of the President,” ani Duterte sa panayam ng mga mamamahayag nitong Sabado, Mayo 17, na inulat ng Manila Bulletin.

Ayon kay Duterte, nais umano ng mga Pilipinong tuparin ni Marcos ang kaniyang mga ipinangako noong 2022 national elections at ito raw ang dahilan kaya’t hindi nila sinuportahan ang mga inendorso nitong kandidato sa eleksyong isinagawa noong Lunes, Mayo 12.

“The people find him wanting of his promises, and the people expect more from the President, particularly with regard to his work for our country,” giit ni Duterte.

“So, they should not blame anyone else, anything that has happened. It's just the President,” saad pa niya.

Sa 11 senatorial candidates ng Alyansa, anim lamang nakapasok sa magic 12: sina ACT-CIS Partylist Rep. Erwin Tulfo na nasa rank 4 at may 17,118,881 boto, dating senador Ping Lacson na nasa rank 7 at may 15,106,111 na boto, dating Senate President Tito Sotto na nasa rank 8 at may 14,832,996 boto, reelectionist senator Pia Cayetano na nasa rank 9 at may 14,573,430 na boto, Las Piñas Rep. Camille Villar na nasa rank 10 at may 13,651,274 na boto, at reelectionist senator Lito Lapid na nasa rank 11 at may 13,394,102 boto.

Matatandaang bukod sa pagiging bahagi ng Alyansa ay inendorso rin si Villar ni Duterte at ng PDP-Laban.

Samantala, kumalas sa Alyansa ang kapatid ni PBBM na si Sen. Imee Marcos at inendorso rin siya ni Duterte. Nasa rank 12 si Sen. Imee at nakakuha ng 13,339,227 boto.

KAUGNAY NA BALITA: ALAMIN: Final senatorial, party-list ranking sa 2025 midterm elections

Kasama sa Alyansa slate ni PBBM na hindi nakapasok sa magic 12 sina reelectionist senator Bong Revilla na nasa rank 14, outgoing Makati City Mayor Abby Binay na nasa rank 15, dating Interior Secretary Benhur Abalos na nasa rank 16, dating senador Manny Pacquiao na nasa rank 18, at reelectionist senator Francis Tolentino na nasa rank 25.

Sen. Imee sa sinabi ni Tiangco: 'Panahon na para ibasura ang impeachment ni VP Sara'

Nagbigay-pahayag si Senador Imee Marcos hinggil sa sinabi ni Alyansa Para sa Bagong Pilipinas campaign Manager Toby Tiangco tungkol sa mga kongresistang pumirma umano ng impeachment laban kay Vice President Sara Duterte. Matatandaang sa isang panayam kay Tiangco, sinabi niyang kaya napapirma ang mga kongresista sa impeachment laban sa bise presidente ay dahil para sa 'conditional...

Matapos manalo sa eleksyon, Sen. Bato, balak bisitahin si FPRRD sa The Hague

Nais umanong bisitahin ni Sen. Ronald “Bato” dela Rosa si dating Pangulong Rodrigo Duterte sa detention center ng International Criminal Court (ICC) sa The Hague, Netherlands.Sa panayam ng media kay Dela Rosa matapos ang kaniyang proklamasyon sa pagkapanalo sa kaniyang ikalawang termino, nitong Sabado, Mayo 17, 2025, iginiit ng senador na nagbabalak daw siyang mag-apply ng Visa papuntang The...

Pagbabago sa liderato ng Senado, hindi pa malinaw—Sen. Imee

Iginiit ni Sen. Imee Marcos na wala pa raw malinaw kung paano magbabago ang liderato ng Senado sa pagpasok ng mga bagong halal na senador para sa 20th Congress.Sa ambush interview ng media sa senadora nitong Sabado, Mayo 17, 2025 na hindi pa raw maliwanag ang lahat para sa Senado.'Wala pang maliwanag tungkol sa Senate President kaya hindi pa natin alam kung sino ang majority at...