Matapos manalo sa eleksyon, Sen. Bato, balak bisitahin si FPRRD sa The Hague

By Kate Garcia

May 17, 2025

In BALITA

Nais umanong bisitahin ni Sen. Ronald “Bato” dela Rosa si dating Pangulong Rodrigo Duterte sa detention center ng International Criminal Court (ICC) sa The Hague, Netherlands.

Sa panayam ng media kay Dela Rosa matapos ang kaniyang proklamasyon sa pagkapanalo sa kaniyang ikalawang termino, nitong Sabado, Mayo 17, 2025, iginiit ng senador na nagbabalak daw siyang mag-apply ng Visa papuntang The Hague.

“Mag-try ako mag-apply ng Schengen visa. At kung bibigyan ako, tanungin ko sa ES Medialdea kung okay ba kung pumunta ako doon," ani Dela Rosa.

Isa si Dela Rosa sa mga matutunog na pangalang nakatakda umanong isunod ng ICC na arestuhin kaugnay ng naging madugong kampanya ni dating Pangulong Duterte kontra droga.

KAUGNAY NA BALITA: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD

Depensa naman ni Dela Rosa nang tanungin tungkol sa nakaamba umanong pag-aresto kung sakaling personal siyang pumunta sa The Hague, “Bakit ba...gustong-gusto n'yo ko agad ikulong doon? Atat na atat kayo na ikulong ako doon ah?"

Matatandaang minsan na ring sinabi ni Dela Rosa ang kaniya raw planong mabisita ang dating Pangulo kung saan iginiit niyang nakahanda raw siyang gumamit ng wig upang hindi makilala ang kaniyang pagkakakilanlan.

“Mag-try ako mag-apply ng Schengen visa. Kung isyuhan ako, then maybe, well, kung may pagkakataon, before the elections sana makabisita ako sa kanya…baka before or after elections,” anang senador.

KAUGNAY NA BALITA: Sen. Bato, planong bisitahin si FPRRD sa ICC: ‘Mag-wig ako para ‘di makilala doon’

Sen. Imee sa sinabi ni Tiangco: 'Panahon na para ibasura ang impeachment ni VP Sara'

Nagbigay-pahayag si Senador Imee Marcos hinggil sa sinabi ni Alyansa Para sa Bagong Pilipinas campaign Manager Toby Tiangco tungkol sa mga kongresistang pumirma umano ng impeachment laban kay Vice President Sara Duterte. Matatandaang sa isang panayam kay Tiangco, sinabi niyang kaya napapirma ang mga kongresista sa impeachment laban sa bise presidente ay dahil para sa 'conditional...

VP Sara sa mababang boto ng Alyansa senatorial bets: ‘It's because of the President!’

Iginiit ni Vice President Sara Duterte na wala nang ibang dapat sisihin sa mababang bilang na boto ng senatorial candidate ng Alyansa Para Sa Bagong Pilipinas sa 2025 midterm election kundi si Pangulong Ferdinand “Bongbong” Marcos Jr.“It's because of the President,” ani Duterte sa panayam ng mga mamamahayag nitong Sabado, Mayo 17, na inulat ng Manila Bulletin.Ayon kay Duterte, nais...

Pagbabago sa liderato ng Senado, hindi pa malinaw—Sen. Imee

Iginiit ni Sen. Imee Marcos na wala pa raw malinaw kung paano magbabago ang liderato ng Senado sa pagpasok ng mga bagong halal na senador para sa 20th Congress.Sa ambush interview ng media sa senadora nitong Sabado, Mayo 17, 2025 na hindi pa raw maliwanag ang lahat para sa Senado.'Wala pang maliwanag tungkol sa Senate President kaya hindi pa natin alam kung sino ang majority at...