Kampo ni FPRRD, pinag-aaralan paano manunumpa bilang mayor ng Davao City

By Kate Garcia

May 17, 2025

In BALITA Eleksyon

Pinag-aaralan na raw ng kampo ni dating Pangulong Rodrigo Duterte kung paano siya makakapanumpa bilang alkalde ng Davao City habang nakadetine sa International Criminal Court (ICC) sa Netherlands.

Sa isang video na ibinahagi ni dating Presidential Spokesperson Harry Roque kamakailan, mapapanood ang naging pahayag ni Vice President Sara Duterte tungkol sa pakikipag-ugnayan na raw nila sa mga abogado ng kaniyang ama.

"Pinag-uusapan namin ng kaniyang ICC lawyer at kaniyang Philippine lawyer kung paano siya maka-oath as a winner ng mayoral contest dito sa Davao City. Pinag-uusapan namin yun actually, noong isang araw," anang Pangalawang Pangulo.

Ayon pa kay VP Sara mayroon daw silang palugit hanggang sa Hunyo 30 upang makapanumpa si dating Pangulong Duterte.

"We have until the day after proclamation-until noon of June 30 para siya maka-oath," aniya.

Matatandaang bago siya maaresto at tuluyang dalhin sa ICC ay muling tumakbo si dating Pangulong Duterte sa kanilang balwarte sa Davao City bilang alkalde ng lungsod. Nakatakda niyang palitan ang kaniyang anak na si Sebastian Duterte na siya namang nanalo bilang vice mayor ng lugar.

KAUGNAY NA BALITA: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD

Tinalo ni dating Pangulong Duterte ang kaniyang datingmiyembro ng gabinete na si Karlo Nograles.

Samantala, kaugnay nito, nauna nang igiit ng Department of Interior and Local Government (DILG) na hindi umano papayagang manumpa sa ibang bansa at magtrabaho mula sa ibang bansa ang sinomang nanalong kandidato.

Sa Setyembre 23 pa ang nakatakdang susunod na hearing ng dating Pangulo kaugnay pa rin sa kaniyang naging madugong kampanya kontra droga kung saan inaasahang ipetisyon kung papayagang pansamantalang makalabas ang dating Pangulo.

Gabriela, pinaiimbestigahan umano’y mga iregularidad sa eleksyon

Sumulat ang Gabriela Women's Party sa Commission on Elections (Comelec) upang paimbestigahan ang umano’y mga iregularidad na nangyari sa 2025 midterm elections.Sa isang pahayag nitong Biyernes, Mayo 16, nanawagan ang Gabriela ng manwal na bilangan ng boto dahil sa hindi raw maipaliwanag na mahigit 49,000 na nawala sa kanilang natanggap na boto sa isinagawang eleksyon noong Lunes, Mayo...

VP Sara, nagkomento sa nakabibing niyang impeachment: 'I want a bloodbath!'

Nagkomento si Vice President Duterte sa nakabinbing impeachment trial sa Senado laban sa kaniya. Sa panayam ng media sa Bise Presidente nitong Sabado, Mayo 17, 2025, iginiit niyang gusto niya raw ng isang madugong paglilitis.'Lawyers, okay naman sila, in full throttle yung kanilang preparations sa impeachment. And, of course, they do not want a trial. As lawyers, alam naman natin ang galawan...

Barbers, 'di sang-ayon sa pahayag ni Tiangco tungkol sa pagkatalo ng Alyansa: 'Misleading!'

Inalmahan ni Quadcomm Chairman at Surigao del Norte 2nd district Rep. Robert Ace Barbers ang naging pahayag ni Navotas Rep. Toby Tiangco hinggil sa epekto ng impeachment laban kay VP Sara sa Alyansa Para sa Bagong Pilipinas. Sa kaniyang pahayag nitong Sabado, May 17, 2025, tahasan niyang iginiit na 'misleading' ang pananaw ni Tiangco sa sentimyento raw ng mga botante sa...