Comelec, walang nakikitang rason para suspindehin pagkapanalo ni De Lima

By Kate Garcia

May 16, 2025

In BALITA Eleksyon

Nilinaw ng Commission on Elections (Comelec) na wala anong magiging epekto ang naging desisyon ng Court of Appeals na bawiin ang acquittal ni Congresswoman-elect Leila de Lima sa nakatakda kaniyang pagkapanalo bilang kinatawan ng Mamamayang Liberal (ML) Party-list sa Kamara.

Sa panayam ng media kay Comelec Chairman George Erwin Garcia nitong Biyernes, Mayo 16, 2025, iginiit niyang wala raw pending case ang ML partylist maging si De Lima sa mismong Comelec, dahilan upang hindi siya ipasuspinde.

“Wala naman pong pending case sa amin yung mismong naturang partylist para kami mag issue ng order to suspend any proclamation,” ani Garcia.

Dagdag pa niya, “Wala pong epekto 'yan sa magiging proklamasyon natin doon sa kanilang party-list o personalidad.”

Matatandaang noong Huwebes, Mayo 15 nang ibaba ng Court of Appeals ang kanilang desisyon na muling buksan ang isa sa 3 drug case at tuluyang binawi ang acquittal ng dating seandora.

KAUGNAY NA BALITA: Isa sa drug cases ni De Lima, muling pinabuksan ng SolGen sa Court of Appeals

Ang acquittal ni De Lima sa isang drug case noong 2023 ang sinusubukang habulin ng Solicitor General kung saan napawalang bisa ang isang kaso ni De Lima matapos bawiin ni noo'y Bureau of Corrections (BuCor) chief Rafael Ragos ang kaniyang mga pahayag laban sa kasong idinidiin kay De Lima.

Samantala, nanindigan din ang dating defense team ni De Lima na mananatili pa rin umanong malaya ang dating senadora.

Teddy Casiño, nakasama sina Heidi Mendoza, Luke Espiritu: ‘Maybe next time’

Nagkasama sina social activist Teddy Casiño, dating Commission on Audit (COA) commissioner Heidi Mendoza, at labor leader Luke Espiritu sa isang event nitong Biyernes, Mayo 16, ilang araw matapos ang 2025 midterm elections.Sa isang X post, nagbahagi si Casiño ng masayang larawan kasama sina Mendoza at Espiritu.“Maybe next time,” saad ng social activies kasama ang hashtag na...

Matapos manalong alkalde: Kerwin Espinosa, binasa Local Government Code ng PH

Nagbahagi ang dating self-confessed druglord na si Rolan 'Kerwin' Espinosa ng larawang nagbabasa ng Local Government Code ng Pilipinas matapos niyang maproklama bilang alkalde ng Albuera, Leyte.Sa isang Facebook post nitong Huwebes, Mayo 15, sinabi ni Espinosa na wala raw siyang sasayanging oras upang matutunang pamahalaan ang kaniyang obligasyon bilang mayor.“No time wasted for the...

Mayor Vico sa pag-aasawa: Darating po tayo d'yan

Sa ngayon, tila wala pa sa isip ni Pasig City Mayor Vico Sotto ang pag-aasawa, aniya, ang inspirasyon niya sa ngayon ay ang mga Pasigueño.Sa isang TV interview, tinanong si Sotto kung ano ngayon ang kalagayan ng kaniyang puso. “Okay lang po. Darating at darating naman po ‘yan,' saad ng alkalde. 'Gaya nga po ng sabi ko, nitong nakaraang anim na taon sobra sa trabaho...