Vic Rodriguez, patuloy tututulan ang korupsiyon kahit natalo

By Ralph Mendoza

May 13, 2025

In BALITA Eleksyon

Naglabas ng pahayag si senatorial aspirant Atty. Vic Rodriguez matapos mabigong lumusot sa Magic 12 sa katatapos lang na 2025 midterm elections.

Sa latest Facebook post ni Rodriguez nitong Martes, Mayo 13, nagpaabot siya ng taos-pusong pasasalamat sa lahat ng kumilala sa kakayahan niyang mamuno.

Aniya. “Patuloy nating tutulan ang korapsyon at pagmalasakitan ang kapwa Pilipino, sikapin na mabigyan ng mabuting kinabukasan ang ating mga kabataan at bantayan ang kaban ng bayan.”

“Muli, tanggapin po ninyo ang aking respeto, pagkilala at taos pusong pasasalamat sa inyong lahat,” dugtong pa ni Rodriguez.

Matatandaang naghain ng kandidatura si Rodriguez noong Oktubre sa The Manila Hotel Tent City upang pamunuan umano ang tunay na oposisyon.

Dating executive secretary ni Pangulong Ferdinand “Bongbong” Marcos, Jr. si Rodriguez ngunit kalaunan ay nagbitiw sa posisyon dahil hindi na raw nito masikmura ang korupsiyon.

MAKI-BALITA: Rodriguez sa pag-alis niya sa Malacañang: 'Hindi ko masikmura ang korupsiyon!'

Pero bago pa ito ay matagal naging abogado at tagapagsalita ng presidente si Rodriguez.

Meralco, tapyas-singil sa kuryente ngayong Mayo

Magandang balita dahil magpapatupad ang Manila Electric Company (Meralco) ng tapyas sa singil ng kuryente ngayong Mayo 2025.Sa abiso ng Meralco, nabatid na nasa 75 sentimo kada kilowatt hour (kwh) ang bawas sa singil sa kanilang household rate ay dulot ng mas mababa ring generation at transmission charges.Ayon sa Meralco, dahil sa naturang P0.7499/kwh na tapyas sa singil sa kuryente, ang kanilang...

Bagong halal na mayor ng Rizal, Cagayan 21-anyos pa lang; vice mayor, nanay niya

Maituturing daw na pinakabatang mayor sa buong bansa ang bagong proklamadong mayor ng Rizal, Cagayan na si Jamila Ruma, matapos makakuha ng 5,134 boto malayo sa mga nakalabang sina Ralph Mamauag na may 3,661 boto at Florence Littaua na may 170 boto.Si Jamila ay pumalit sa amang si Mayor Atty. Joel Ruma na siyang orihinal na tumakbo sa posisyon subalit pinatay sa kalagitnaan ng kampanya noong Abril...

Trillanes, talo kay Along; 'di raw kinaya pwersa ng pera ng kalaban

Tinanggap ng dating senador at tumakbong Caloocan City mayor na si Antonio 'Sonny' Trillanes IV ang pagkatalo niya kay incumbent Caloocan City Mayor Dale 'Along' Malapitan, na naproklama na nitong Martes, Marso 13.'Maraming salamat po sa ating mga kaibigan, supporters at volunteers na nakasama namin sa laban para sa pagbabago ng Caloocan,' pasasalamat ni Trillanes na...