'Praying hand emoji' ni Sen. Bong, usap-usapan; 'di raw tumalab budots, agimat?

By Richard De Leon

May 13, 2025

In BALITA Eleksyon

Usap-usapan ng netizens ang "praying hand emoji" si Sen. Ramon "Bong" Revilla, Jr. sa kaniyang Facebook post, Martes, Mayo 13, isang araw matapos ang 2025 National and Local Elections, at matapos maglabasan ang partial and unofficial results ng Commission on Elections (Comelec).

Espekulasyon ng mga netizen sa comment section, tungkol ito sa partial and unofficial senatorial race result kung saan hindi pa siya pasok sa top 12.

Walang inilagay na caption o post ang senador tungkol dito.

Photo courtesy: Screenshot from Ramon Bong Revilla Jr. (FB)

Batay kasi sa pinakahuling partial and unofficial result as of 7:31 ng umaga, Martes, Mayo 13, ang mga nasa top 12 ay sina Sen. Bong Go, Bam Aquino, Sen. Ronald "Bato" Dela Rosa, Erwin Tulfo, Atty. Kiko Pangilinan, Rep. Rodante Marcoleta, mga dating senador na sina Ping Lacson at Tito Sotto III, Sen. Pia Cayetano, Rep. Camille Villar, at Sen. Imee Marcos.

Naungusan pa siya ng broadcast journalist na si Ben Tulfo bago ang kaniyang slot. Sumusunod naman sa kaniya si Makati City mayor Abby Binay.

Narito naman ang ilan sa mga reaksiyon at komento ng netizens sa comment section ng kaniyang post:

"Dasal lang po senator"

"Hindi man po kayo pinalad sa ngayon ,nawa sa mga darating pa na panahon kung ipagkakaloob mangyayari po uli ."

"Hindi yata tumalab ang budots and agimat haha"

"Still praying, puwede pa 'yan"

"Sana mkpasok c Senator Bong Revilla. Mdami nman syang nagawa."

"Just focus and concentrate on your family. Enough is enough!!!"

"HINDI ATA GUMANA YONG BUDOTS STYLE LAOS NA DAPAT SANA YONG BAGO YONG KAY ELIAS SABAK KA DERI"

"He needs 1M agimats this time."

Si Revilla ay re-electionist sa pagkasenador sa ilalim ng Alyansa Para sa Bagong Pilipinas ni Pangulong Ferdinand "Bongbong" Marcos, Jr.

Trillanes, talo kay Along; 'di raw kinaya pwersa ng pera ng kalaban

Tinanggap ng dating senador at tumakbong Caloocan City mayor na si Antonio 'Sonny' Trillanes IV ang pagkatalo niya kay incumbent Caloocan City Mayor Dale 'Along' Malapitan, na naproklama na nitong Martes, Marso 13.'Maraming salamat po sa ating mga kaibigan, supporters at volunteers na nakasama namin sa laban para sa pagbabago ng Caloocan,' pasasalamat ni Trillanes na...

Sam Verzosa, may mensahe para sa nanalong kalabang kandidato sa Maynila

Tinanggap na ng negosyante at kumandidatong mayor ng Maynila na si Sam 'SV' Verzosa ang kaniyang pagkatalo, na tumutukoy kay 'Yorme' Isko Moreno Domagoso.Aniya sa kaniyang Facebook post, 'Ngayong gabi, buong puso kong tinatanggap ang desisyon ng taumbayan. Bagamat hindi nangyari ang hinahangad nating resulta, ako po ay taus-pusong nagpapasalamat sa bawat isa sa inyo na...

Bato dela Rosa, nagpasalamat sa natanggap na boto: ‘Sagot ko kayo, itaga n’yo sa bato!’

Pinasalamatan ni reelectionist Senator Ronald “Bato” dela Rosa ang lahat ng mga bumoto sa kaniya sa isinagawang 2025 midterm elections nitong Lunes, Mayo 12.Sa isang Facebook post nitong Martes ng hapon, Mayo 13, nangako si Dela Rosa na hindi niya bibiguin ang lahat ng mga bumoto sa kaniya.“Baka masyado pang maaga pero ako po’y taus pusong nagpapasalamat sa lahat ng mga nagtitiwala sa...