Marjorie Barretto, Dennis Padilla parehong kinapos ng boto sa Caloocan

By Richard De Leon

May 13, 2025

In BALITA Eleksyon

Parehong kinapos ng mga boto sa halalan ang dating mag-asawang sina Marjorie Barretto at Dennis Padilla na kumandidatong konsehal sa magkahiwalay na distrito sa Caloocan City.

Si Barretto, dating konsehal ng ikalawang distrito, ay kumandidato naman sa pagkakonsehal sa unang distrito na nasa slate ni Mayor Along Malapitan, na proklamado na bilang mayor ulit ng lungsod, sa ikalawang termino. Nasa pampitong puwesto lamang siya na nakakuha ng 2,517 boto batay sa partial at unofficial tally nitong 4:31 ng madaling-araw, Martes, Mayo 13.

Ang dating mister naman na si Dennis Baldivia o "Dennis Padilla" ay tumakbong konsehal sa ikalawang distrito, bilang independent candidate, pero gaya ni Marjorie, hindi rin sumapat ang boto para sa kaniya matapos matapos mag-16 sa puwesto at makalikom ng 7,480 boto.

Matatandaang kamakailan lamang ay nabuhay ang isyu sa pagitan ng dalawa matapos ang kasal ng anak nilang si Claudia Barretto.

Hindi napigilan ni Marjorie na hindi na magsalita matapos ang pagra-rant post ni Dennis sa social media, na hindi siya ang naghatid sa altar sa anak.

KAUGNAY NA BALITA: Marjorie Barretto, bumwelta kay Dennis: ‘My kids’ trigger is their father!’

Samantala, wala pang pahayag mula sa dalawa.

Meralco, tapyas-singil sa kuryente ngayong Mayo

Magandang balita dahil magpapatupad ang Manila Electric Company (Meralco) ng tapyas sa singil ng kuryente ngayong Mayo 2025.Sa abiso ng Meralco, nabatid na nasa 75 sentimo kada kilowatt hour (kwh) ang bawas sa singil sa kanilang household rate ay dulot ng mas mababa ring generation at transmission charges.Ayon sa Meralco, dahil sa naturang P0.7499/kwh na tapyas sa singil sa kuryente, ang kanilang...

Bagong halal na mayor ng Rizal, Cagayan 21-anyos pa lang; vice mayor, nanay niya

Maituturing daw na pinakabatang mayor sa buong bansa ang bagong proklamadong mayor ng Rizal, Cagayan na si Jamila Ruma, matapos makakuha ng 5,134 boto malayo sa mga nakalabang sina Ralph Mamauag na may 3,661 boto at Florence Littaua na may 170 boto.Si Jamila ay pumalit sa amang si Mayor Atty. Joel Ruma na siyang orihinal na tumakbo sa posisyon subalit pinatay sa kalagitnaan ng kampanya noong Abril...

Trillanes, talo kay Along; 'di raw kinaya pwersa ng pera ng kalaban

Tinanggap ng dating senador at tumakbong Caloocan City mayor na si Antonio 'Sonny' Trillanes IV ang pagkatalo niya kay incumbent Caloocan City Mayor Dale 'Along' Malapitan, na naproklama na nitong Martes, Marso 13.'Maraming salamat po sa ating mga kaibigan, supporters at volunteers na nakasama namin sa laban para sa pagbabago ng Caloocan,' pasasalamat ni Trillanes na...