Honey Lacuna, talo ni Isko sa Maynila

By Nicole Therise Marcelo

May 13, 2025

In BALITA Eleksyon

Tinanggap na ng kasalukuyang mayor ng Maynila na si Dr. Honey Lacuna ang kaniyang pagkatalo laban sa nagbabalik na si Isko Moreno Domagoso.

Sa partial at unofficial tally as of 3:54 p.m. nitong Martes, Mayo 13, nangunguna si Domagoso na may botong 527,600 habang nasa 190,087 naman ang nakuhang boto ni Lacuna.

Sa isang video message, sinabi ni Lacuna na tinatanggap niya ang resulta ng 2025 local elections.

"Buong kababaang-loob nating tinatanggap ang kapasyahan ng higit na nakararami sa atin. Maraming salamat sa pagbibigay ninyo ng pagkakataon na ako'y maging kauna-unahang babaeng punong lungsod sa kasaysayan ng Maynila," saad ni Lacuna.

"Buong pagpapakumbaba kong ipinagkakapuri ang malaking karangalan na ipinagkaloob ninyo sa akin. Mula noon at magpakahanggang ngayon, taas-noo nating iniaalay ang tapat at totoong serbisyo sa mamamayang Manilenyo. Habang buhay kong handog sa inyo ang pagmamahal ng isang ina at kalinga ng isang doktora," dagdag pa niya.

Nagpasalamat din ang alkalde sa lahat ng sumuporta sa kaniya.

Meralco, tapyas-singil sa kuryente ngayong Mayo

Magandang balita dahil magpapatupad ang Manila Electric Company (Meralco) ng tapyas sa singil ng kuryente ngayong Mayo 2025.Sa abiso ng Meralco, nabatid na nasa 75 sentimo kada kilowatt hour (kwh) ang bawas sa singil sa kanilang household rate ay dulot ng mas mababa ring generation at transmission charges.Ayon sa Meralco, dahil sa naturang P0.7499/kwh na tapyas sa singil sa kuryente, ang kanilang...

Bagong halal na mayor ng Rizal, Cagayan 21-anyos pa lang; vice mayor, nanay niya

Maituturing daw na pinakabatang mayor sa buong bansa ang bagong proklamadong mayor ng Rizal, Cagayan na si Jamila Ruma, matapos makakuha ng 5,134 boto malayo sa mga nakalabang sina Ralph Mamauag na may 3,661 boto at Florence Littaua na may 170 boto.Si Jamila ay pumalit sa amang si Mayor Atty. Joel Ruma na siyang orihinal na tumakbo sa posisyon subalit pinatay sa kalagitnaan ng kampanya noong Abril...

Trillanes, talo kay Along; 'di raw kinaya pwersa ng pera ng kalaban

Tinanggap ng dating senador at tumakbong Caloocan City mayor na si Antonio 'Sonny' Trillanes IV ang pagkatalo niya kay incumbent Caloocan City Mayor Dale 'Along' Malapitan, na naproklama na nitong Martes, Marso 13.'Maraming salamat po sa ating mga kaibigan, supporters at volunteers na nakasama namin sa laban para sa pagbabago ng Caloocan,' pasasalamat ni Trillanes na...