Abalos sa mga nagwagi: ‘Pagsilbihan n'yo ang ating bansa nang tapat’

By Ralph Mendoza

May 13, 2025

In BALITA Eleksyon

Nagpaabot ng mensahe si dating Department of Interior and Local Government (DILG) Secretary Benhur Abalos sa mga nagwaging kandidato ngayong 2025 midterm elections.

Sa video statement ni Abalos nitong Martes, Mayo 13, nanawagan siyang pagsilbihan ng mga nanalo ang bansa nang tapat at buong puso.

“Mainit kong binabati ang lahat ng nagwagi sa halalan. Nawa ay pagsilbihan ninyo ang ating bansa nang tapat at buong puso,” saad ni Abalos.

Dagdag pa niya, “Sa aking mga kababayan, tapos na po ang eleksyon. Nawa’y magkaisa na po tayo. Dahil ‘yan po ang susi sa ikakaunlad ng ating bansa.”

Bigo si Abalos na makalusot sa Magic 12 ng Senado. Ayon sa partial at unpartial result ng Commission on Elections (Comelec), nakakuha lang siya ng 11,349,007 at naiposisyon ang sarili sa ika-16 na puwesto.

Ngunit sa kabila nito, pinasalamatan pa rin ng dating DILG Secretary ang lahat ng sumuporta at nagtiwala sa kaniyang kandidatura.

“Ako po si Benhur Abalos, muling nagpapasalamat sa inyong lahat,” aniya.

Bagong halal na mayor ng Rizal, Cagayan 21-anyos pa lang; vice mayor, nanay niya

Maituturing daw na pinakabatang mayor sa buong bansa ang bagong proklamadong mayor ng Rizal, Cagayan na si Jamila Ruma, matapos makakuha ng 5,134 boto malayo sa mga nakalabang sina Ralph Mamauag na may 3,661 boto at Florence Littaua na may 170 boto.Si Jamila ay pumalit sa amang si Mayor Atty. Joel Ruma na siyang orihinal na tumakbo sa posisyon subalit pinatay sa kalagitnaan ng kampanya noong Abril...

Trillanes, talo kay Along; 'di raw kinaya pwersa ng pera ng kalaban

Tinanggap ng dating senador at tumakbong Caloocan City mayor na si Antonio 'Sonny' Trillanes IV ang pagkatalo niya kay incumbent Caloocan City Mayor Dale 'Along' Malapitan, na naproklama na nitong Martes, Marso 13.'Maraming salamat po sa ating mga kaibigan, supporters at volunteers na nakasama namin sa laban para sa pagbabago ng Caloocan,' pasasalamat ni Trillanes na...

Sam Verzosa, may mensahe para sa nanalong kalabang kandidato sa Maynila

Tinanggap na ng negosyante at kumandidatong mayor ng Maynila na si Sam 'SV' Verzosa ang kaniyang pagkatalo, na tumutukoy kay 'Yorme' Isko Moreno Domagoso.Aniya sa kaniyang Facebook post, 'Ngayong gabi, buong puso kong tinatanggap ang desisyon ng taumbayan. Bagamat hindi nangyari ang hinahangad nating resulta, ako po ay taus-pusong nagpapasalamat sa bawat isa sa inyo na...