Makabayan senatorial bet Lidasan, ‘di nakaboto; wala pangalan niya sa listahan

By Mary Joy Salcedo

May 12, 2025

In BALITA Eleksyon

Dismayadong ibinahagi ni Makabayan senatorial candidate Amirah Lidasan na hindi siya nakaboto dahil nawawala raw ang kaniyang pangalan sa listahan ng mga botante sa kinabibilangan niyang presinto sa Matanog, Maguindanao nitong Lunes, Mayo 12.

Sa isang pahayag, sinabi ni Lidasan na nakarehistro siya bilang botante sa Matanog Central Elementary School sa Barangay Bugasan Norte, Matanog, Maguindanao.

Ang naturang presinto raw ang kaparehong lugar kung saan matagumpay siyang nakaboto noong 2022 elections.

Samantala, nang dumating si Lidasan sa kinabibilangang polling precinct, laking gulat niya nang wala na umano ang kaniyang pangalan sa listahan, dahilan kaya’t hindi siya nakaboto.

"Nakakabahala itong pangyayari sa lugar namin. Dapat ay makapagpaliwanag agad ang COMELEC (Commission on Elections),” saad ni Lidasan.

“Ang boto ko at bawat boto ng mamamayang Pilipino ay dapat na protektado at pinahahalagahan," dagdag pa niya.

Iniimbestigahan na ng Koalisyong Makabayan ang nangyari, lalo na’t may ilang mga residente rin umano sa lugar ang naiulat na hindi nakaboto dahil sa parehong kadahilanan.

Habang sinusulat ito’y wala pa namang pahayag ang Comelec hinggil dito.

Isa pang senior citizen, nasawi sa pagboto

Isa pang senior citizen ang naiulat na nasawi habang bumoboto ngayong Lunes, Mayo 12, 2025.Ayon sa mga ulat, bigla na lang nahulog ang 68-anyos na lola sa kaniyang kinauupuan matapos siyang mawalan ng malay sa loob ng voting precinct sa Maria Elementary School sa President Roxas, Capiz.Mabilis umanong rumespode ang Municipal Disaster Risk Reduction and Management Office (MDRRMO) at dinala ang...

John Arcilla, naispatan bukbuking mesa sa classroom: 'Asan ang budget sa edukasyon?'

Ibinahagi ni award-winning actor ang kalagayan ng isang classroom na nagsisilbing waiting area para sa mga botante ngayong 2025 midterm elections.Sa latest Facebook post ni John nitong Lunes, Mayo 12, makikita ang larawan ng isang bukbuking mesa sa naturang classroom.Aniya, “Nandito ako sa loob ng isang classroom na ginawang WAITING ROOM sa MAHABANG PILA para bumoto at ganito ang lamesa ng mga...

Aberya ng ACMs, dahil sa init ng panahon—Comelec

Dumipensa ang Commission on Elections (Comelec) hinggil sa mga naiulat na aberya at pagpalya ng ilang automated counting machines (ACM) sa iba’t ibang polling precincts sa bansa.Ayon kay Comelec Chairman George Erwin Garcia, may kinalaman umano ang init ng panahon sa naging aberya sa ACMs.“Dahil nga sa init, mayroong mga makina, iilan lang naman na piraso ang nag-iinit. Hindi naman tumitigil...