Makabayan, nanawagan para sa mano-manong pagbibilang ng boto

By Ralph Mendoza

May 12, 2025

In BALITA Eleksyon

Naglabas ng pahayag ang Makabayan bloc upang manawagan ng manual counting sa umano’y kuwestyonableng integridad ng Automated Counting Machines (ACM).

Sa isang Facebook post ng Makabayan nitong Lunes, Mayo 12, sinabi nilang lumilikha umano ng pagdududa ang pagbabago ng software version ng mga ACM.

“Mula sa version 3.4 na dumaan sa local source code review at indepedent certification tungo sa version 3.5 na sinasabi ng Comelec [Commission on Elections] bilang “updated” version, at ang pagkakaiba ng hash code ng dalawang versions, “ saad ng Makabayan.

Dagdag pa nila, “Ang version na dumaan sa source code review at independent certification ang dapat ginagamit sa araw ng halalan. Ang pagbabago ng version (update ayon sa Comelec) at posibleng pagbabago sa hash code ay nagsasabing maaring nabago din ang software at hindi na natin ito nalaman o nakilatis.”

Ayon sa Makabayan, hindi pa umano naipapaliwanag ng Comelec kung tugma ba ang hash code ng updated version 3.5 tugma sa hash code ng version 3.4 na dumaan sa local source code review at international certification.

Kaya isa sa mga panawagan nila, magsagawa ng mano-manong pagbibilang ng boto. At kung hindi tumugma ang machine count sa manual count, dapat daw na mas maging matimbang ang huli.

“Ang bawat boto ay mahalaga at dapat bilangin nang tama. Manatiling mapagmatyag at handang kumilos,” anila.

Matatandaang nauna nang sagutin ng Comelec ang paratang ni Atty. Harold Respicio na hindi umano audited ang source code na nasa ACM dahil hindi ito tugma sa hash code na nasa audit report na nakapost sa Comelec website.

MAKI-BALITA: Comelec, nagsalita tungkol sa source code na nasa ACM

1.2 million hacking attempts, naitala ng Comelec sa kanilang precinct finder

Inihayag ng Commission on Elections (Comelec) na nakapagtala sila ng tinatayang 1.2 milyong hacking attempts upang mag-down umano ang website ng kanilang precinct finder.Sa panayam ng media kay Comelec spokesperson Rex Laudiangco, ibinahagi niya ang mga datos na nakalap daw nila sa buong araw ng halalan nitong Lunes, Mayo 12, 2025.“Mayroon pong 43.7 million na browse and visit sa webpage na...

Giit ng Comelec sa mga naging aberya sa pagboto: 'Issues 'yan noon pa!'

Iginiit ni Commission on Elections (Comelec) Chairman George Erwin Garcia na pawang ang mga aberyang nangyari sa eleksyon ngayong Lunes, Mayo 12, 2025, ay nangyayari na raw noon pa man sa mga nakalipas na halalan.Sa Press briefing nitong Lunes, ipinaliwanag ni Garcia ang naging tugon umano ng komisyon sa mga paulit-ulit na aberya tuwing eleksyon.“Lahat ng mga nakita nating issues, issues ‘yan...

Comelec, nagsalita sa isyung 'di tugma nasa resibo sa ibinoto sa balota

Nagsalita si Commission on Elections (Comelec) Chairman George Garcia hinggil sa mga isyung kinaharap ng 2025 National and Local Elections (NLE) ngayong Lunes, Mayo 12.Batay sa isinagawang press conference ng Comelec, isa sa mga nilinaw ni Garcia ay tungkol sa mga lumabas na isyung may ilang botante raw na nagreklamong iba ang nakita nila sa resibo sa mga botong initiman nila sa balota, nang...