Leody inalaska si 'Tatay Digong:' 'Di na kelangan hanapin presinto niya'

By Richard De Leon

May 12, 2025

In BALITA Eleksyon

Usap-usapan ang pang-aasar ng senatorial candidate na si Leody De Guzman o "Ka Leody" matapos mag-post ng tila tirada kay dating Pangulong Rodrigo Duterte, na tinawag niyang "Tatay Digong."

Ayon sa Facebook post ng kandidato, marami raw ang naghanap na botante sa kanilang mga presinto, subalit si Tatay Digong daw, hindi na kailangang hanapin ito.

"Kanina, ang raming nahirapan makita yung presinto nila. Buti pa si Tatay Digong di na kelangan hanapin presinto niya," aniya.

Sa comment section, isang netizen naman ang bumira sa kaniya.

"May you never suffer having to be separated from your family at an old age like PRRD. Nearing 80 na pa naman ata kayo," anang netizen.

Sagot naman ni Ka Leody, "Hindi naman po kasi ako kriminal."

Matatandaang nasa The Hague, Netherlands pa rin ang dating pangulo, sa kustodiya ng International Criminal Court (ICC), dahil sa kasong crimes against humanity na isinampa laban sa kaniya, kaugnay pa rin ng kaniyang drug war sa panahon ng kaniyang administrasyon.

Samantala, sa isang panayam, sinabi ni Vice President Sara Duterte na hindi nakaboto ang ama dahil wala raw ang pangalan ng dating pangulo sa listahan ng "absentee voters."

KAUGNAY NA BALITA: FPRRD, hindi pinayagang makaboto sa The Hague—VP Sara

1.2 million hacking attempts, naitala ng Comelec sa kanilang precinct finder

Inihayag ng Commission on Elections (Comelec) na nakapagtala sila ng tinatayang 1.2 milyong hacking attempts upang mag-down umano ang website ng kanilang precinct finder.Sa panayam ng media kay Comelec spokesperson Rex Laudiangco, ibinahagi niya ang mga datos na nakalap daw nila sa buong araw ng halalan nitong Lunes, Mayo 12, 2025.“Mayroon pong 43.7 million na browse and visit sa webpage na...

Giit ng Comelec sa mga naging aberya sa pagboto: 'Issues 'yan noon pa!'

Iginiit ni Commission on Elections (Comelec) Chairman George Erwin Garcia na pawang ang mga aberyang nangyari sa eleksyon ngayong Lunes, Mayo 12, 2025, ay nangyayari na raw noon pa man sa mga nakalipas na halalan.Sa Press briefing nitong Lunes, ipinaliwanag ni Garcia ang naging tugon umano ng komisyon sa mga paulit-ulit na aberya tuwing eleksyon.“Lahat ng mga nakita nating issues, issues ‘yan...

Comelec, nagsalita sa isyung 'di tugma nasa resibo sa ibinoto sa balota

Nagsalita si Commission on Elections (Comelec) Chairman George Garcia hinggil sa mga isyung kinaharap ng 2025 National and Local Elections (NLE) ngayong Lunes, Mayo 12.Batay sa isinagawang press conference ng Comelec, isa sa mga nilinaw ni Garcia ay tungkol sa mga lumabas na isyung may ilang botante raw na nagreklamong iba ang nakita nila sa resibo sa mga botong initiman nila sa balota, nang...