Isa pang senior citizen, nasawi sa pagboto

By Kate Garcia

May 12, 2025

In BALITA Eleksyon

Isa pang senior citizen ang naiulat na nasawi habang bumoboto ngayong Lunes, Mayo 12, 2025.

Ayon sa mga ulat, bigla na lang nahulog ang 68-anyos na lola sa kaniyang kinauupuan matapos siyang mawalan ng malay sa loob ng voting precinct sa Maria Elementary School sa President Roxas, Capiz.

Mabilis umanong rumespode ang Municipal Disaster Risk Reduction and Management Office (MDRRMO) at dinala ang biktima sa Bailan District Hospital ngunit idineklara na siyang dead on arrival.

Samantala, isang 65-anyos na senior citizen din ang nauna nang naiulat na nasawi sa loob pa rin ng voting precinct sa Oas South Central School, Albay.

Ayon sa mga ulat, nangyari ang insidente bandang 6:05 ng umaga nitong Lunes, Mayo 12, 2025 kung saan nagawa pa raw makaboto ng biktima nang bigla siyang mahilo at mahimatay sa loob ng classroom. Napag-alaman ding limang taon na raw nakakaranas ng pagka-stroke ang biktima na posible umanong na-trigger bunsod ng init at pagpila sa pagboto.

KAUGNAY NA BALITA: Senior citizen, patay matapos atakihin sa puso sa loob ng voting precinct

1.2 million hacking attempts, naitala ng Comelec sa kanilang precinct finder

Inihayag ng Commission on Elections (Comelec) na nakapagtala sila ng tinatayang 1.2 milyong hacking attempts upang mag-down umano ang website ng kanilang precinct finder.Sa panayam ng media kay Comelec spokesperson Rex Laudiangco, ibinahagi niya ang mga datos na nakalap daw nila sa buong araw ng halalan nitong Lunes, Mayo 12, 2025.“Mayroon pong 43.7 million na browse and visit sa webpage na...

Giit ng Comelec sa mga naging aberya sa pagboto: 'Issues 'yan noon pa!'

Iginiit ni Commission on Elections (Comelec) Chairman George Erwin Garcia na pawang ang mga aberyang nangyari sa eleksyon ngayong Lunes, Mayo 12, 2025, ay nangyayari na raw noon pa man sa mga nakalipas na halalan.Sa Press briefing nitong Lunes, ipinaliwanag ni Garcia ang naging tugon umano ng komisyon sa mga paulit-ulit na aberya tuwing eleksyon.“Lahat ng mga nakita nating issues, issues ‘yan...

Comelec, nagsalita sa isyung 'di tugma nasa resibo sa ibinoto sa balota

Nagsalita si Commission on Elections (Comelec) Chairman George Garcia hinggil sa mga isyung kinaharap ng 2025 National and Local Elections (NLE) ngayong Lunes, Mayo 12.Batay sa isinagawang press conference ng Comelec, isa sa mga nilinaw ni Garcia ay tungkol sa mga lumabas na isyung may ilang botante raw na nagreklamong iba ang nakita nila sa resibo sa mga botong initiman nila sa balota, nang...