FPRRD, hindi pinayagang makaboto sa The Hague—VP Sara

By Kate Garcia

May 12, 2025

In BALITA Eleksyon

“Hindi n'ya na-exercise yung right to vote n'ya this time.”

Nilinaw ni Vice President Sara Duterte na hindi umano makakaboto sa The Hague, Netherlands ngayong eleksyon ang kaniyang ama na si dating Pangulong Rodrigo Duterte.

Sa panayam ng media sa Pangalawang Pangulo nitong Lunes, Mayo 12, 2025, ipinaliwanag niya kung bakit hindi raw maaaring bumoto ang dating Pangulo.

“Hindi siya pwedeng bumoto kasi hindi naman siya naka-register sa absentee voting. Ang pagkakaintindi ko, sinubukan ng lawyers n'ya na magpaalam sa Comelec na kung pwede bumoto si dating Pangulong Duterte outside of the absentee voting law. Kasi yun lang yung paraan na puwede siyang bumoto but hindi siya naka-register doon, so, ang pagkakaintindi ko, wala siya,” ani VP Sara.

Giit pa ni VP Sara, hindi raw naranasan ng kaniyang ama na matalima ang karapatan niyang makalahok sa pagboto ngayong National and Local Elections (NLE) 2025.

“Hindi n'ya na-exercise yung right to vote n'ya this time. And I'm sure he is sad about that,” anang Pangalawang Pangulo.

Matatandaang kasalukuyang nasa kustodiya ng International Criminal Court (ICC) si dating Pangulong Duterte magmula nang siya ay maaaresto noong Marso 11 kaugnay ng kaniya umanong madugong kampanya kontra droga.

KAUGNAY NA BALITA: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD

Leody inalaska si 'Tatay Digong:' 'Di na kelangan hanapin presinto niya'

Usap-usapan ang pang-aasar ng senatorial candidate na si Leody De Guzman o 'Ka Leody' matapos mag-post ng tila tirada kay dating Pangulong Rodrigo Duterte, na tinawag niyang 'Tatay Digong.'Ayon sa Facebook post ng kandidato, marami raw ang naghanap na botante sa kanilang mga presinto, subalit si Tatay Digong daw, hindi na kailangang hanapin ito.'Kanina, ang raming...

Isa pang senior citizen, nasawi sa pagboto

Isa pang senior citizen ang naiulat na nasawi habang bumoboto ngayong Lunes, Mayo 12, 2025.Ayon sa mga ulat, bigla na lang nahulog ang 68-anyos na lola sa kaniyang kinauupuan matapos siyang mawalan ng malay sa loob ng voting precinct sa Maria Elementary School sa President Roxas, Capiz.Mabilis umanong rumespode ang Municipal Disaster Risk Reduction and Management Office (MDRRMO) at dinala ang...

John Arcilla, naispatan bukbuking mesa sa classroom: 'Asan ang budget sa edukasyon?'

Ibinahagi ni award-winning actor ang kalagayan ng isang classroom na nagsisilbing waiting area para sa mga botante ngayong 2025 midterm elections.Sa latest Facebook post ni John nitong Lunes, Mayo 12, makikita ang larawan ng isang bukbuking mesa sa naturang classroom.Aniya, “Nandito ako sa loob ng isang classroom na ginawang WAITING ROOM sa MAHABANG PILA para bumoto at ganito ang lamesa ng mga...