'Di pagtutugma ng source code na nasa ACM, fake news! —Comelec

By Ralph Mendoza

May 12, 2025

In BALITA Eleksyon

Muling iginiit ni Commission on Elections (Comelec) Chairman Atty. George Garcia na peke umano ang balita hinggil sa hindi pagtutugma ng source code na nasa automated counting machine (ACM).

MAKI-BALITA: Comelec, nagsalita tungkol sa source code na nasa ACM

Sa isinagawang press conference nitong Lunes ng gabi, Mayo 12, sinabi ni Garcia na talagang hindi raw magtutugma ang hash code ng trusted build sa hash code ng machine dahil hindi pa ito ang pinal na resulta.

“Kasi po pagkatapos ng trusted build, mayro’n pong source code review. ‘Yon pong nasa source code review na na-review ng lahat ng IT experts, ng PPCRV [Parish Pastoral Council for Responsible Voting], NAMFREL [National Citizens' Movement for Free Elections], ‘yon po ‘yong tumutugma sa makina na mismong hash codes,” paliwanag ni Garcia.

Dagdag pa niya, “So medyo mali po—with all due respect—na ang ikumpara ay ‘yong bago mag-source code. ‘Di ba 'yon nga po 'yong source code niya, ang pinakaimportante? Dahil 'yon ang ginagawang public, 'yon ang pinapa-review sa experts, 'yon ang tinitingnan ng mga experts, at 'yon ang may final hash code, at 'yon din po ang nasa Central Bank of the Philippines.”

Ayon kay Garcia, ang ginawa raw kasi ng nagpakalat ng maling balita ay ikinumpara nito ang hash code ng trusted build sa hash code ng machine.

“Again, mali po ‘yon. Dapat hash code no’ng mismong code na source code review,” aniya.

Matatandaang nanawagan ang Makabayan bloc na bilangin ang boto ng mano-mano dahil umano’y kuwestyonableng integridad ng ACM.

MAKI-BALITA: Makabayan, nanawagan para sa mano-manong pagbibilang ng boto

1.2 million hacking attempts, naitala ng Comelec sa kanilang precinct finder

Inihayag ng Commission on Elections (Comelec) na nakapagtala sila ng tinatayang 1.2 milyong hacking attempts upang mag-down umano ang website ng kanilang precinct finder.Sa panayam ng media kay Comelec spokesperson Rex Laudiangco, ibinahagi niya ang mga datos na nakalap daw nila sa buong araw ng halalan nitong Lunes, Mayo 12, 2025.“Mayroon pong 43.7 million na browse and visit sa webpage na...

Giit ng Comelec sa mga naging aberya sa pagboto: 'Issues 'yan noon pa!'

Iginiit ni Commission on Elections (Comelec) Chairman George Erwin Garcia na pawang ang mga aberyang nangyari sa eleksyon ngayong Lunes, Mayo 12, 2025, ay nangyayari na raw noon pa man sa mga nakalipas na halalan.Sa Press briefing nitong Lunes, ipinaliwanag ni Garcia ang naging tugon umano ng komisyon sa mga paulit-ulit na aberya tuwing eleksyon.“Lahat ng mga nakita nating issues, issues ‘yan...

Comelec, nagsalita sa isyung 'di tugma nasa resibo sa ibinoto sa balota

Nagsalita si Commission on Elections (Comelec) Chairman George Garcia hinggil sa mga isyung kinaharap ng 2025 National and Local Elections (NLE) ngayong Lunes, Mayo 12.Batay sa isinagawang press conference ng Comelec, isa sa mga nilinaw ni Garcia ay tungkol sa mga lumabas na isyung may ilang botante raw na nagreklamong iba ang nakita nila sa resibo sa mga botong initiman nila sa balota, nang...