Tatlong dapat hanapin sa kandidato ayon kay Miriam Defensor Santiago, binalikan-Balita

Tatlong dapat hanapin sa kandidato ayon kay Miriam Defensor Santiago, binalikan

Tila na-miss ng mga netizen ang pumanaw na dating senador at kumandidato sa pagkapangulo na si Sen. Miriam Defensor Santiago lalo't eleksyon na sa Lunes, Mayo 12.

Binalikan ng mga netizen ang mga naging pahayag ni Santiago tungkol sa tatlong bagagy na dapat hanapin sa isang kumakandidatong lider ng bansa, nang matanong siya rito sa "PiliPinas Debates 2016" na isinagawa ng GMA Network.

Una, kailangan daw ay may "academic excellence." Tumutukoy ito sa pagiging napakahusay o napakagaling sa larangan ng akademiko. Ito ay kadalasang sinusukat sa pamamagitan ng mataas na mga marka, pagkilala, at pagiging epektibo sa mga akademikong gawain tulad ng pag-aaral, pananaliksik, at iba pang intelektuwal na pagpapaunlad. Ito rin ay may kinalaman sa pagiging responsableng mag-aaral at pagpapakita ng kahusayan sa mga larangan ng pag-aaral.

Paliwanag ni MDS, "There should be an academic excellence. Dapat naging head of the class, o at least naging honor student, dahil kung hindi naman marunong 'yon, ano ngayon ang ibibigay niyang dunong sa atin?"

Pangalawa naman daw, kailangang may "professional excellence." Ang professional excellence ay tumutukoy sa pagiging mahusay, responsable, at etikal sa propesyon o trabaho ng isang tao. Ipinapakita ito sa pamamagitan ng mataas na antas ng kaalaman, kasanayan, at dedikasyon sa tungkulin. Kabilang dito ang patuloy na pag-aaral at pag-unlad sa sariling larangan; mahusay na pakikitungo sa katrabaho, kliyente, at iba pang kausap; pagsunod sa mga pamantayang etikal at propesyonal; at pagkakaroon ng integridad, pagiging maaasahan, at paggawa ng tama kahit walang nakakakita.

"Kung naging propesyunal 'yon, dapat binigyan siya ng mga award ng mga kapwa professional niya dahil sa hanga sila sa kaniya," anang senadora.

Panghuli raw, kailangang may "moral excellence." Tumutukoy ito sa pagiging mabuti, matuwid, at marangal sa pag-uugali at pagdedesisyon ng isang tao. Ibig sabihin nito ay ang pagkakaroon ng matibay na prinsipyo at pagpapahalaga sa tama at makataong kilos, kahit sa harap ng tukso o mahihirap na sitwasyon.

Para kay MDS, ito ay "most important" sa mga katangian ng isang kandidato.

"We should have moral excellence, dapat ang ibinoboto natin walang bahid sa kaniyang record o kung may inimbento man, masyadong hindi kapani-paniwala," aniya pa.

Voting precinct sa Maguindanao del Sur, binulabog ng rambol ng kalalakihan

Ilang kalalakihan ang nagkagulo sa labas ng voting precinct sa Pagalungan, Maguindanao del Sur nitong Lunes, Mayo 12, 2025.Ayon sa mga ulat, nangyari ang girian matapos umanong tumaas ang tensyon sa pagitan ng kalalakihan sa Buliok Elementary School.Mapapanood sa nagkalat na video sa social media na nauwi pa sa habulan ang pagtatalo ng mga suspek, dahilan upang magtakbuhan din ang iba pang...

Khalil Ramos, nagpaalala sa pag-shade ng balota

Nagbigay ng paalala ang aktor na si Khalil Ramos sa kaniyang mga kapuwa botante.Sa isang Instagram story ni Khalil nitong Lunes, Mayo 12, pinag-ingat niya ang mga botante sa pag-iitim ng balota.“Be extra careful when shading your ballots. I pressed a bit too hard on the first page, and it left marks on the back, right where the partylist section was,” saad ni Khalil.Dagdag pa niya, “Sadly,...

Makabayan senatorial bet Lidasan, ‘di nakaboto; wala pangalan niya sa listahan

Dismayadong ibinahagi ni Makabayan senatorial candidate Amirah Lidasan na hindi siya nakaboto dahil nawawala raw ang kaniyang pangalan sa listahan ng mga botante sa kinabibilangan niyang presinto sa Matanog, Maguindanao nitong Lunes, Mayo 12.Sa isang pahayag, sinabi ni Lidasan na nakarehistro siya bilang botante sa Matanog Central Elementary School sa Barangay Bugasan Norte, Matanog,...