Imee Marcos, pinasalamatan INC; nangakong ‘di sasayangin natanggap na endorso

By Mary Joy Salcedo

May 10, 2025

In BALITA Eleksyon

Pinasalamatan ni reelectionist Senator Imee Marcos ang Iglesia Ni Cristo (INC) dahil sa natanggap niyang endorso para sa 2025 midterm elections.

“Mapalad ako at taos-pusong nagpapasalamat na ako'y isa sa mga taglay ng Iglesia ni Cristo—pinagkatiwalaang maglingkod at magtanggol sa sambayanan,” ani Marcos sa isang pahayag nitong Sabado, Mayo 10.

Ayon pa sa senadora, pinalakas daw ng “matatag na paninindigan at di-matitinag na pagkakaisa” ng INC ang kaniyang loob na “tumindig laban sa kawalang-hustisya, katiwalian, at pang-aabuso.”

“Ang pagtitiwala at suporta ng kapatiran ay hindi ko sasayangin,” ani Marcos.

“Sa tulong ng Diyos, at sa gabay ng inyong pananampalatayang buhay, isang

buhat nating mararating ang tagumpay na para sa bayan,” saad pa niya.

Isa si Marcos sa walong kandidato sa pagkasenador na inendorso ng INC para sa eleksyon na nakatakdang isagawa sa Lunes, Mayo 12.

MAKI-BALITA: INC, nag-endorso na ng 8 kandidato sa pagkasenador

Vic Rodriguez, ‘di nakadama ng kakulangan sa kampanya

Nagpaabot ng pasasalamat si senatorial aspirant Atty. Vic Rodriguez sa lahat ng sumuporta at nagtiwala sa kaniyang kandidatura. Sa kaniyang bukas na liham nitong Sabado, Mayo 10, sinabi ni Rodriguez na kahit kailan ay hindi raw siya nakaramdam ng kasalatan sa loob ng 90 araw na kampanya.“Tinapos at nakumpleto ko ang 90 araw ng kampanya ng hindi nadama kahit isang saglit na tayo ay salat sa mga...

MILF, UBJP nag-endorso ng 12 senador

Nag-endorso ang Moro Islamic Liberation Front (MILF) at United Bangsamoro Justice Party (UBJP) ng 12 senatorial candidates para sa 2024 midterm elections.Sa opisyal na pahayag ng MILF at UBJP nitong Sabado, Mayo 10, inisa-isa nila ang 12 kandidato sa pagkasenador na inendorso nila. Narito ang kabuuan ng listahan.#28 CHRISTOPHER LAWRENCE 'BONG' T. GO#59 VICENTE 'TITO' SOTTO...

Giit ni VP Sara: ‘Kinidnap ang tatay nating lahat!’

Iginiit ni Vice President Sara Duterte na “kinidnap” umano ang “tatay ng lahat” o ang kaniyang amang si dating Pangulong Rodrigo Duterte.Sa kaniyang talumpati na inilabas sa kaniyang opisyal na Facebook page nitong Sabado, Mayo 10, nagpasalamat si VP Sara sa kanilang mga suporta dahil sa patuloy daw na pagtitiwala ng mga ito sa kaniyang pamilya.“Ang puwesto na kinatatayuan ko ay hindi...