CBCP, pinabulaanang may inendorsong kandidato si Cardinal David

By Kate Garcia

May 10, 2025

In BALITA

Pinabulaanan ng Catholic Bishop's Conference of the Philippines (CBCP) ang umano'y kumakalat na pekeng pag-endorso raw ni Cardinal Pablo Virgilio David sa ilang mga kandidato para sa paparating na halalan sa Mayo 12, 2025.

Sa pahayag na inilabas ng CBCP nitong Sabado, Mayo 10, 2025, tahasan nilang nilinaw na wala raw ineendorsong kahit na sinong politiko ang Simbahang Katoliko.

"If names of candidates are mentioned in supposed Church endorsements, consider them false or misleading," anang CBCP.

Matatandaang kumalat kamakailan ang larawan ng isa umanong dokumentong pirmado ni Cardinal David na siya ring Presidente ng CBCP hinggil sa pag-endorso ng mga tumatakbong senador.

Samantala, sa hiwalay na pahayag, naglabas din ng pahayag ang Diocese of Kalookan na pinamumunuan din ni Cardinal David.

"The letter circulating online claiming to be from the CBCP or Cardinal David is not true," anang diocese.

Vic Rodriguez, ‘di nakadama ng kakulangan sa kampanya

Nagpaabot ng pasasalamat si senatorial aspirant Atty. Vic Rodriguez sa lahat ng sumuporta at nagtiwala sa kaniyang kandidatura. Sa kaniyang bukas na liham nitong Sabado, Mayo 10, sinabi ni Rodriguez na kahit kailan ay hindi raw siya nakaramdam ng kasalatan sa loob ng 90 araw na kampanya.“Tinapos at nakumpleto ko ang 90 araw ng kampanya ng hindi nadama kahit isang saglit na tayo ay salat sa mga...

MILF, UBJP nag-endorso ng 12 senador

Nag-endorso ang Moro Islamic Liberation Front (MILF) at United Bangsamoro Justice Party (UBJP) ng 12 senatorial candidates para sa 2024 midterm elections.Sa opisyal na pahayag ng MILF at UBJP nitong Sabado, Mayo 10, inisa-isa nila ang 12 kandidato sa pagkasenador na inendorso nila. Narito ang kabuuan ng listahan.#28 CHRISTOPHER LAWRENCE 'BONG' T. GO#59 VICENTE 'TITO' SOTTO...

Giit ni VP Sara: ‘Kinidnap ang tatay nating lahat!’

Iginiit ni Vice President Sara Duterte na “kinidnap” umano ang “tatay ng lahat” o ang kaniyang amang si dating Pangulong Rodrigo Duterte.Sa kaniyang talumpati na inilabas sa kaniyang opisyal na Facebook page nitong Sabado, Mayo 10, nagpasalamat si VP Sara sa kanilang mga suporta dahil sa patuloy daw na pagtitiwala ng mga ito sa kaniyang pamilya.“Ang puwesto na kinatatayuan ko ay hindi...