Cardinal Tagle, nagpasalamat sa mga nagtiwala sa kanila sa Conclave

By Kate Garcia

May 10, 2025

In BALITA

Ipinaabot ni Cardinal Luis Antonio Tagle ang kaniyang pasasalamat para sa mga nagtiwala sa kanila sa idinaos na papal conclave noong Mayo 7, 2025.

Kasama ni Tagle sa press conference noong Biyernes, Mayo 9, ang dalawa pang Pilipinong cardinal na sina Cardinal Jose Advincula at Cardinal Pablo David.

Ipinaliwanag ni Tagle na bagama't sa paraan ng pagboto nakasalalay ang pagpili ng bagong Santo Papa, malayo raw ito sa eleksyon na nangyayari sa politika.

"When it comes to the ministry of the Church ang criteria, yung approach hindi tulad ng nangyayari sa mundo. 'Pag sinabing we rely on the Holy Spirit ang pagpili through prayer, disiplinado dapat aming lahat na hindi isipin o magpadala na 'kandidato ba ako?' Yung internal discipline ay kailangan kundi baka kainin ka rin. Walang kandidato para i-promote ang sarili mo, ang kababayan mo...," ani Tagle.

Kaugnay nito, binanggit din niya na hindi niya raw inakala na marami ang nakakakita sa kaniyang potensyal na maging Santo Papa.

"Maraming salamat sa mga parang nagtiwala sa amin, ewan ko kung anong nakita n'yo sa amin na pwede kaming posibleng maging Papa. Ako 'pag tinitignan ko ang sarili ko parang hindi ko maisip yun eh. Kung may nakakaisip ng ganoon, maraming salamat," anang cardinal.

Matatandaang isa ang pangalan ni Cardinal Tagle sa mga naging matunog na posibleng maging susunod na Santo Papa matapos bakantihin ni Pope Francis ang kaniyang posisyon noong Abril 21, matapos siyang pumanaw sa edad na 88 taong gulang.

KAUGNAY NA BALITA: Pope Francis, pumanaw na sa edad na 88

'It’s going to be better!' Vice Ganda, inendorso si Abby Binay

Isa pang kandidato sa pagkasenador sa ilalim ng Alyansa Para sa Bagong Pilipinas, senatorial slate ni Pangulong Ferdinand 'Bongbong' Marcos, Jr, ang inendorso ni 'It's Showtime' host at Unkabogable Star Vice Ganda—si Makati City Mayor Abby Binay.Bukod kay Abalos, suportado rin ng komedyante-TV host ang kandidatura ni Binay na may tagline na 'It's going to be...

Cardinal Tagle binigyan ng candy si Cardinal Prevost bago maging Pope Leo XIV

May nakaaaliw na anekdota si Cardinal Luis Antonio Tagle na engkuwentro niya sa kasamahang si Cardinal Robert Prevost na kalaunan ay naging si Pope Leo XIV matapos ang papal conclave noong Biyernes, Mayo 9.Aniya sa isinagawang media conference matapos ang conclave, nagkaroon siya ng kauna-unahang 'charity' kay Pope Leo XIV matapos niyang alukin ng 'candy.'Kuwento ni Tagle, alam...

Tuesday Vargas, nagmungkahi ng 12 senador: 'Bumoto po tayo para sa ating mga anak'

Hinikayat ng komedyanteng si Tuesday Vargas na pagnilayan ang 12 senador na iminungkahi niyang iboto sa nalalapit na 2025 midterm elections.Kasama sa listahang ito sina Bam Aquino, Kiko Pangilinan, Heidi Mendoza, Luke Espiritu, Teddy Casiño, Ronnel Arambulo, Liza Maza, Sonny Matula, Leody De Guzman, France Castro, Arlene Brosas, at Danilo Ramos. Sa isang Facebook post ni Tuesday noong Biyernes,...