PBBM party-list, tuluyan nang diniskwalipika ng Comelec

By Mary Joy Salcedo

May 08, 2025

In BALITA Eleksyon

Pinagtibay ng Commission on Elections (Comelec) ang desisyon nitong idiskuwalipika ang rehistrasyon ng Pilipinas Babangon Muli (PBBM) party-list para sa 2025 midterm elections dahil sa umano’y usapin ng “misrepresentation.”

Base sa inilabas na resolusyon ng Comelec nitong Miyerkules, Mayo 7, ibinasura ang motion for reconsideration na inihain ng PBBM party-list dahil sa hindi raw nito naipakita ang regional constituency.

“Respondent violated the requirement that a regional party must have a regional constituency when it accepted, and even fielded as nominees, members who are not from CALABARZON,” nakasaad sa resolusyon ng Comelec.

Matatandaang noong Abril nang kanselahin ng Comelec Second Division ang rehistrasyon ng naturang party-list dahil bagama’t inilahad daw nitong nire-representa nila ang Calabarzon, wala sa sampung nominees ang residente ng rehiyon.

Lumabas daw na walo sa nominees ng PBBM party-list ang mula sa Abra, isa ang nagmula sa Cagayan, at isa sa Quezon City.

Bam Aquino, Bong Go ibinahagi pag-endorso sa kanila ng JIL Church

Nagpahayag ng pasasalamat sina senatorial candidates Bam Aquino at Bong Go sa pag-endorso raw sa kanila ng Jesus is Lord (JIL) church para sa nalalapit na 2025 midterm elections.Sa isang Facebook post nitong Miyerkules, Mayo 7, nagpasalamat si Aquino sa JIL, founder nitong si CIBAC party-list Rep. Brother Eddie Villanueva, at Senador Joel Villanueva sa pagsuporta ng simbahan sa kaniyang...

PBBM, hinikayat OFWs na bumoto: ‘Makilahok sa kinabukasan ng ating bayan’

Hinikayat ni Pangulong Ferdinand “Bongbong” Marcos Jr. ang overseas Filipino workers (OFWs) na bumoto at makiisa sa 2025 midterm elections.Sa isang video message nitong Huwebes, Mayo 8, sinabi ni Marcos na nagpapatuloy pa rin ang overseas voting na nagsimula na noong Abril 13, 2025.'Ito po ang inyong pagkakataon na makilahok sa kinabukasan ng ating bayan. Ngayon, mas madali na ang...

TIMELINE: Ang pagpili ng ika-267 Santo Papa ng Simbahang Katolika

Pormal nang nagsimula ang muling pagpili ng Simbahang Katolika para sa susunod na Santo Papa na siyang nakatakdang mamuno sa bilyong Katoliko mula sa iba’t ibang panig ng mundo.Nagsimula ang Papal Conclave noong Miyerkules Mayo 7, 2025 kung saan ikinulong ang 133 cardinal sa loob ng Sistine Chapel upang isagawa ang kanilang eleksyon para sa susunod na Santo Papa, kasunod ng pagpanaw ni Pope...